– હુડ્ડા પાસે 3D સરકાર હતી: પહેલો D દરબારી, બીજો દામાદ, ત્રીજો ડીલર
ખાસ-ખબર સંવાદદાતા
ગૃહમંત્રી અમિત શાહે રવિવારે હરિયાણાના સિરસામાં કહ્યું- અહીંની હુડ્ડા સરકાર 3ઉ સરકાર હતી. પહેલો ઉ દરબારી, બીજો ઉ દામાદ અને ત્રીજો ઉ ડીલરોની સરકારનો હતો. મનોહર લાલ ખટ્ટરજીએ આ ત્રણેય ડી સમાપ્ત કર્યા છે. અમિત શાહે કહ્યું- હરિયાણા ખેલાડીઓની ભૂમિ છે. દેશને મેડલ મળે છે તો દરેક ત્રીજો ખેલાડી હરિયાણાનો છે. મેં સીએમ મનોહર લાલને બહાદુર ખેલાડીઓ માટે કંઈક કરવાનું કહ્યું અને તેમણે કર્યું. જ્યારે દેશ મુશ્કેલીમાં હતો ત્યારે પંજાબ અને હરિયાણાના ખેડૂતોએ અનાજ પૂરું પાડ્યું હતું. સિરસામાં રેલી પહેલા સીએમ મનોહર લાલે કેન્દ્રીય ગૃહમંત્રી અમિત શાહને પાઘડી પહેરાવી હતી.
- Advertisement -
આ પહેલા અમિત શાહે રવિવારે જ પંજાબના ગુરદાસપુરમાં રેલી કરી હતી. અમિત શાહે કહ્યું- અમે આમ આદમી પાર્ટીની જેમ ખાલી વચનો આપતી સરકાર જોઈ નથી. અહીંના સીએમ ભગવંત માન છે, પરંતુ તેઓ અહીં બિલકુલ રહેતા નથી. ક્યારેક દિલ્હી, ક્યારેક કોલકાતા, ક્યારેક ચેન્નાઈ અને ક્યારેક મહારાષ્ટ્ર પહોંચે છે.
દિલ્હીના સીએમ અરવિંદ કેજરીવાલ જ્યાં પણ જાય છે ત્યાં ભગવંત માન પ્લેન લઈને પહોંચે છે. તે સ્પષ્ટ નથી કે તે મુખ્યમંત્રી છે કે પાઇલટ.
પંજાબમાં આજ સુધી એક પણ મહિલાના ખાતામાં એક રૂપિયો પણ આવ્યો નથી, પરંતુ કરોડો રૂપિયા ખર્ચ્યા પછી પણ દેશના અખબારોના પહેલા પાના પર આમ આદમી પાર્ટીની સરકારની જાહેરાતો ચાલતી રહે છે. માનનો આખો સમય કેજરીવાલના પ્રચારમાં પસાર થઈ રહ્યો છે. શાહે કહ્યું- પંજાબમાં ડ્રગ્સનો કારોબાર વધી રહ્યો છે. ભગવંત માનના કારણે પંજાબમાં કાયદો અને વ્યવસ્થાની સ્થિતિ દિવસેને દિવસે કથળી રહી છે, પરંતુ સીએમ પાસે જનતા માટે સમય નથી. ચૂંટણીમાં પંજાબના લોકો સન્માનપૂર્વક આનો હિસાબ માંગશે. ભાજપના કાર્યકરો ગૃહમંત્રી અમિત શાહની રેલીમાં પહોંચ્યા હતા.
