અમેરિકા સતત આપણને ધમકાવી રહ્યું છે, તમે ભારત દેશને વેંચી દીધો છે: સંસદમાં રાહુલ ગાંધીના આકરા પ્રહાર

વડાપ્રધાન પર આરોપ લગાવ્યા, પુરાવા આપો: કિરેન રિજિજુ

એપસ્ટીન ફાઇલ્સમાં હરદીપ પુરી અને અનિલ અંબાણીના નામ: રાહુલ

ખાસ-ખબર ન્યૂઝ નવી દિલ્હી

લોકસભામાં વિરોધ પક્ષના નેતા રાહુલ ગાંધીનું ભાષણ ચાલુ છે. રાહુલે કહ્યું- આપણે યુદ્ધના સમયમાં જીવી રહ્યા છીએ. ગાઝામાં યુદ્ધ, રશિયા-યુક્રેન વચ્ચે ચાલી રહ્યું છે. ચીન અમેરિકાને પડકારી રહ્યું છે. હવે ઊર્જા અને નાણાંને હથિયાર બનાવી દેવામાં આવ્યા છે. ભારત અને પાકિસ્તાન વચ્ચે ઓપરેશન સિંદૂર પણ ચાલી રહ્યું છે.
રાહુલ ગાંધીએ કહ્યું- વડાપ્રધાન મોદી અને રાષ્ટ્રીય સુરક્ષા સલાહકારે કહ્યું કે યુદ્ધનો યુગ સમાપ્ત થઈ ગયો છે, પરંતુ આપણે યુદ્ધના યુગમાં પ્રવેશી રહ્યા છીએ. દેશના બજેટમાં વિશ્ર્વભરના સંઘર્ષોની અસરનો સામનો કરવા વિશે કંઈ કહેવામાં આવ્યું નથી. બજેટમાં ઊર્જા અને નાણાંને શસ્ત્રીકરણ કરવા વિશે કંઈ નથી.
રાહુલે સદનની બહાર આવીને કહ્યું- મેં કહ્યું છે કે હું દાવાને સાબિત કરીશ. અમેરિકાના જસ્ટિસ ડિપાર્ટમેન્ટ પાસે એપસ્ટીન કેસો સંબંધિત ફાઇલો છે જેમાં હરદીપ પુરી અને અનિલ અંબાણીના નામ છે. અદાણી સામે કેસ ચાલી રહ્યો છે. તેમને એક સમન જાહેર કરવામાં આવ્યું છે. તેના પર 18 મહિનાથી કોઈ જવાબ આપવામાં આવ્યો નથી.
રાહુલે કહ્યું- વડાપ્રધાન પર સીધું દબાણ છે. મોટી વાત એ છે કે સામાન્ય સંજોગોમાં કોઈ પણ વડાપ્રધાન આવું નહીં કરે. કોઈ પણ વડાપ્રધાન ડેટા, ખેડૂતો, ઊર્જા સુરક્ષા અને સંરક્ષણના મામલામાં આવું નહીં કરે. કોઈ વ્યક્તિ આવું ત્યારે જ કરશે જ્યારે તેના પર કોઈ દબાણ હોય. તેમની કમાન કોઈ બીજાના હાથમાં છે.
રાહુલે કહ્યું- ભારત-અમેરિકા ટ્રેડ ડીલને કારણે એનર્જી સિક્યોરિટી જોખમમાં છે. સરકારે આપણી એનર્જી સિક્યોરિટી અમેરિકાને સોંપી દીધી છે. સંપૂર્ણપણે સરેન્ડર કરી દીધું છે.
વડાપ્રધાન મોદીએ ભાજપના ખજાનાને બચાવવા માટે ભારતીયોનું ભવિષ્ય દાવ પર લગાવી દીધું. અમેરિકા અને ચીનની નજર ભારતના લોકોના ડેટા પર છે. જો અમેરિકાએ સુપરપાવર બન્યા રહેવું હોય, તો તેની ચાવી ભારતીય ડેટા જ છે.
નેતા વિપક્ષે કહ્યું- જો અમારી સરકાર હોત અને ઇન્ડિયા બ્લોક અમેરિકી રાષ્ટ્રપતિ ટ્રમ્પ સાથે વાતચીત કરી રહ્યો હોત, તો હું કહેત કે ડીલ પર બરાબરીથી વાત થશે. અમે તમારા નોકર નથી. શું અમેરિકા નક્કી કરશે કે અમે કોની પાસેથી તેલ ખરીદીશું.
રાહુલ ગાંધીએ કહ્યું- ટ્રેડ ડીલમાં કેન્દ્ર સરકારે ગરીબ ખેડૂતોને કચડવાનો રસ્તો ખોલી દીધો છે, આવું કોઈ વડાપ્રધાને પહેલા ક્યારેય કર્યું નથી. ઇતિહાસમાં પહેલીવાર આપણા ખેડૂતો સંકટનો સામનો કરી રહ્યા છે. અમેરિકાની આયાત 46 અબજ અમેરિકી ડોલરથી વધીને 146 અબજ અમેરિકી ડોલર થઈ જશે. આપણું ટેરિફ 3% થી વધીને 18% થઈ ગયું છે અને તેમનું 16% થી ઘટીને શૂન્ય થઈ ગયું છે.
રાહુલ ગાંધીએ કહ્યું કે ભારતના ઇતિહાસમાં પહેલીવાર એવું બન્યું છે કે આપણા ખેડૂતો અટકી ગયા છે. મકાઈ, સોયાબીન, લાલ જુવાર અને કપાસ માટે તમે રસ્તો ખોલી દીધો છે. અમેરિકન ફાર્મને યાંત્રિક બનાવવાનો રસ્તો ખોલી દીધો. તમે ખોટું કર્યું. કોઈ વડાપ્રધાને આવું ક્યારેય કર્યું નથી. હું તમને ખાતરી આપું છું કે તમારા પછી પણ કોઈ આવું નહીં કરે.
રાહુલ ગાંધીએ કહ્યું કે તમે ભારતને વેચી દીધું છે. શું તમને ભારતને વેચવામાં શરમ નથી આવતી? તમે ભારત માતાને વેચી દીધી છે.
રાહુલે કહ્યું- દેશના 140 કરોડ લોકો સામે એક મોટો પડકાર છે. ભારતમાંથી એક મોટો ડેટા જનરેટ થઈ રહ્યો છે. અઈંના આગમનથી એક મોટું સંકટ દેખાઈ રહ્યું છે. જૂની સિસ્ટમને પડકારવામાં આવી રહી છે. અઈં માટે ડેટા પેટ્રોલ જેવો છે. બજેટમાં કંઈ નથી.