WHOના ડાયરેક્ટરે ચેતવણી આપી હતી કે, અતિશય ગરમ હવામાનને કારણે ડેન્ગ્યુ અને ચિકનગુનિયા જેવા રોગોનું જોખમ વધી શકે
વર્લ્ડ હેલ્થ ઓર્ગેનાઈઝેશનના ડાયરેક્ટર-જનરલ ટેડ્રોસ અધાનમ ઘેબ્રેયસસે એક મોટી ચેતવણી આપી છે. વાત જાણે એમ છે કે, આ અઠવાડિયે WHOના ડાયરેક્ટરે ચેતવણી આપી હતી કે, અતિશય ગરમ હવામાનને કારણે ડેન્ગ્યુ અને ચિકનગુનિયા જેવા રોગોનું જોખમ વધી શકે છે. અલ નીનો ચાર વર્ષ બાદ પુનરાગમન કરી રહ્યું છે. આના કારણે વિશ્વભરમાં અત્યંત ગરમ હવામાન અને કૃષિ વિક્ષેપનો ખતરો તોળાઈ રહ્યો છે.
- Advertisement -
તમારા મનમાં એક પ્રશ્ન ઊઠશે કે આખરે અલ નીનો શું છે? વાસ્તવમાં ઉષ્ણકટિબંધીય પેસિફિક ક્ષેત્રમાં સમુદ્રના તાપમાન અને વાતાવરણની સ્થિતિમાં ફેરફારને અલ નિનો કહેવામાં આવે છે, જે સમગ્ર વિશ્વના હવામાનને ખલેલ પહોંચાડે છે. આ એક પુનરાવર્તિત મોસમી ઘટના છે. જે મચ્છર આ વાયરસને ઝડપથી ફેલાવે છે, તેઓ ગરમ હવામાનમાં ખીલે છે. જેના કારણે અલ નીના વાયરસ દુનિયાભરના દેશોમાં ફેલાઈ રહ્યો છે. દક્ષિણ અમેરિકાના દેશોમાં ઉષ્ણકટિબંધીય રોગો પહેલેથી જ વધી રહ્યા છે. એશિયામાં પણ આનો મોટો ખતરો છે. પેરુ જેવા દેશોએ આ વર્ષે ડેન્ગ્યુના વધુ પડતા કેસોને કારણે રાજ્યની કટોકટી જાહેર કરી દીધી છે. આ વર્ષે પેરુમાં ડેન્ગ્યુના રેકોર્ડ 1.5 લાખ કેસ નોંધાયા છે.
ડેન્ગ્યુ-ચિકનગુનિયા તણાવ વધારશે
વર્લ્ડ હેલ્થ ઓર્ગેનાઈઝેશને ચેતવણી આપી છે કે, સંક્રમણ દેશની આરોગ્ય પ્રણાલી પર ઘણો બોજ લાવી શકે છે. જૂનના પ્રથમ સપ્તાહ દરમિયાન થાઈલેન્ડમાં ડેન્ગ્યુના 19,503 કેસ નોંધાયા છે. જે છેલ્લા ત્રણ વર્ષમાં સૌથી વધુ છે. કંબોડિયા અને મલેશિયા જેવા દેશોમાં પણ ડેન્ગ્યુના કેસ ઝડપથી વધી રહ્યા છે. સિંગાપોર તરફથી ચેતવણી પણ જારી કરવામાં આવી છે કે જૂન અને ઓક્ટોબર વચ્ચે કેસ વધશે. અન્ય રોગો પણ ઝડપથી વધી રહ્યા છે. ગયા વર્ષના અંતથી, દક્ષિણ અમેરિકન દેશ પેરાગ્વેમાં ચિકનગુનિયાથી મૃત્યુના 40 કેસ નોંધાયા છે.
