રોજ સવારે ચામાં એડ કરી દો આ મસાલો, હાર્ટ રહેશે હેલ્ધી

મસાલાની એક ચપટી ચામાં ઉમેરો, શરીરને થશે ઘણા ફાયદા. ચામાં ઉમેરવાથી શરીરને ઘણા ફાયદા થશે. આ મસાલાવાળી ચા તમારા હૃદયને સ્વસ્થ રાખશે. જાણો રોજ ચા પીવો છો તો દૂધમાં શું મિક્સ કરવું જોઈએ?

ભારતમાં મોટાભાગના લોકો તેમના દિવસની શરૂઆત ચાની ચુસ્કીથી જ કરે છે. વધુ પડતી ચા પીવી સ્વાસ્થ્ય માટે હાનિકારક હોઈ શકે છે. જો તમે ચાના ફાયદા વધારવા માંગતા હોવ તો તેમાં એક ચપટી તજનો પાવડર ઉમેરો. આનાથી ચાના ગુણોમાં વધારો થશે. તજનો પાવડર બજારમાં મળે છે. પરંતુ તમે ઈચ્છો તો તેને ઘરે પણ સરળતાથી બનાવી શકો છો. જ્યારે તમારી ચા ઉકળવા લાગે, ત્યારે ચામાં તજનો પાવડર ઉમેરી દો. આનાથી શરીરને ઘણા ફાયદા થશે.

તજનો ઉપયોગ મસાલા તરીકે કરવામાં આવે છે. તજને આયુર્વેદમાં ઔષધિ તરીકે ગણવામાં આવે છે. તજની ચા પીવાથી ઘણી બીમારીઓ દૂર થઈ જાય છે. તજના ઔષધિય ગુણો પાચનને સુધારવામાં મદદ કરે છે અને શરદી, ઉધરસથી રાહત આપે છે. તદુપરાંત શરીરમાં બળતરા પણ ઘટાડે છે. તજનું સેવન કરવાથી શરીરમાં બ્લોકેજની સમસ્યા ઓછી થાય છે. બ્લડ સુગરને કંટ્રોલ કરવાથી લઈને કોલેસ્ટ્રોલ ઘટાડવામાં તજ ખૂબ જ ફાયદાકારક છે.

તજની ચા

તજની ચા દૂધ અને ચાની પત્તી વિના પણ બનાવી શકાય છે, પરંતુ જો તમે ઇચ્છો તો તમે દૂધની ચામાં તજ પણ ઉમેરી શકો છો. આના માટે જ્યારે તમે પાણીમાં ચાની પત્તી નાખો છો, ત્યારે જ તેની સાથે તજનો ટુકડો પણ નાખી દો. જો તમે ઇચ્છો તો, તમે એક ચપટી તજ પાવડર પણ ઉમેરી શકો છો. આ ચા પીવાથી તમને શરીરમાં ઘણા ફાયદા જોવા મળશે.

તજની ચા કેવી રીતે બનાવવી

તજની ચા બનાવવા માટે, 1 ગ્લાસ પાણી ઉકાળો અને તેમાં તજ ઉમેરો. 1 કાળા મરી અને લવિંગને પીસીને તેમાં નાખી દો. હવે થોડી કાચી હળદર અને 1 નંગ ગોળ નાખો. હવે તેને ઉકળવા દો અને જ્યારે પાણી થોડું બળી જાય ત્યારે તેને ચાસણી વડે ગાળી લો. હવે તમારી આ ચા તૈયાર છે, તમે ઈચ્છો તો તેણે પી શકો છો અને જો તમારે લીંબુનો રસ ઉમેરીને પીવું છે; તો તમે એ પણ પી શકો છો.