કોડિનાર બાયપાસ પર કન્ટેનર ચાલકે કાબૂ ગુમાવતાં અકસ્માત

લોકો સુધી વાહન વ્યવહાર ખોરવાયો
ખાસ-ખબર સંવાદદાતા
કોડીનાર બાયપાસના રસ્તામાં શિંગોડા નદીના પુલ ઉપર અકસ્માતએ વિશાળ લાંબો ક્ધટેનર ટ્રક આડો થઈને ફસાઈ ગયો હતો. જેના પગલે હાઈવે પરનો ટ્રાફીક કલાકો સુધી ખોરવાઈ ગયેલ હતો. સદનસીબે અકસ્માતમાં કોઈ જાનહાની ન થઈ હોવાથી લોકો-ચાલકોએ રાહતનો શ્વાસ લીધો હતો. બાદમાં તંત્રએ દોડી આવીને ક્ધટેનર ટ્રકને હટાવવાની કામગીરી હાથ ધરી હતી.સવારના ચારેક વાગ્યા આસપાસ વેરાવળ સોમનાથ તરફથી એક લાંબો ક્ધટેનર ટ્રક અમરેલીના પીપાવાવ પોર્ટ તરફ જઈ રહ્યો હતો. ત્યારે કોડીનાર બાયપાસ નેશનલ હાઈવે ઉપર દુદાના ગામના પાટીયા નજીક શીંગોડા નદીના જર્જરીત પુલની બાજુમાં નીચે બનાવેલા હંગામી રસ્તા ઉપરથી પસાર થઈ રહેલા એક ક્ધટેનર ટ્રકના ચાલકે અચાનક જ કાબુ ગુમાવતા ક્ધટેનર ટ્રકનો આગળનો કેબીનનો ભાગ યુ ટર્ન લઈને વળી ગયેલ જયારે પાછળનો ક્ધટેનરનો ભાગ આડો થઈને રસ્તાની વચ્ચે આવી ગયો હતોજેના પગલે કોડીનાર અને ઉનાને જોડતા આ બાયપાસ ઉપરનો વાહન વ્યવહાર ખોરવાઈ જતા ક્ધટેનર ટ્રકોની લાઈનો બાયપાસ રોડ ઉપર લાગી ગઈ હતી. અકસ્માતના પગલે રસ્તા ઉપર ક્ધટેનર ફસાયેલુ હોવાથી કલાકો સુધી બાયપાસનો રસ્તો વાહનો માટે બંધ રહ્યો હતો. જેના લીધે મોટા વાહનોને ફરજીયાત કોડીનાર શહેરમાંથી પસાર થઈ નીકળવું પડી રહ્યુ હતુ.