વંથલી નજીક હાઇવે પર અકસ્માતને આમંત્રણ આપતા બાવળ

જૂનાગઢ-વંથલી હાઇવેની બન્ને સાઇડ પર બાવળ ઉગી નિકળ્યાં

ખાસ-ખબર સંવાદદાતા
જૂનાગઢ- વંથલી હાઈવે પર રોડની બંને સાઈડ બાવળ ઉગી નિકળ્યા છે. અને ડાળીઓ રોડ પર જોવા મળતી હોય અકસ્માતની ભિતી સેવાઈ રહી છે. છતાં તંત્ર દ્વારા કામગીરી કરવામાં આવતી ન હોય. લોકોમાં રોષ જોવા મળી રહ્યો છે.મળતી વિગત મુજબ જૂનાગઢ- વંથલી હાઈવે પર રોજ વાહનોની ટ્રાફિક જોવા મળતી હોય છે.

એકબાજુ રોડ સાંકડો છે. બીજી બાજુ બાવળની ડાળીઓ રોડ પર જોવા મળી રહી છે. જેથી નાછૂટકે વાહન તારવવુ પડે છે અને અકસ્માતની શક્યતા વધી જાય છે. આ ઉપરાંત રેઢીયાળ પશુઓ પણ રોડ પર જોવા મળી રહ્યાં છે. તંત્ર દ્વારા આ રોડ પર બાવળની ડાળીઓનું કટીંગ કરવામાં આવે એ જરૂરી છે.