તાજેતરમાં સુપ્રીમ કોર્ટે પોતાનો ચુકાદો આપતાં જન્મતારીખના પુરાવા તરીકે આધાર કાર્ડ બનાવવાની ના પાડી દીધી છે. નોંધનિય છે કે, ભારતમાં રહેવા માટે ભારતીય નાગરિકો પાસે ઘણા દસ્તાવેજો હોવા જરૂરી છે. દરરોજ તમને કોઈ ને કોઈ કામ માટે આ દસ્તાવેજોની જરૂર પડે છે. આવા ઘણા દસ્તાવેજો છે જેના વિના ઘણા કામ અટકી શકે છે. જેમાં ડ્રાઇવિંગ લાયસન્સ, પાસપોર્ટ, વોટર આઈડી કાર્ડ, પાન કાર્ડ અને આધાર કાર્ડ જેવા દસ્તાવેજોનો સમાવેશ થાય છે. આધાર કાર્ડ ભારતમાં સૌથી વધુ ઉપયોગમાં લેવાતો દસ્તાવેજ છે. ભારતની લગભગ 90 ટકા વસ્તી પાસે આધાર કાર્ડ છે.
ઘણા લોકો આધાર કાર્ડનો ઉપયોગ ઘણી જગ્યાએ આધારકાર્ડ તરીકે કરે છે. તેથી ઘણા લોકો તેને જન્મતારીખના પુરાવા તરીકે પણ માને છે. જો તમે પણ એવું જ વિચારતા હોવ તો અમે તમને જણાવી દઈએ કે તમે ખોટા છો. તાજેતરમાં સુપ્રીમ કોર્ટે પોતાનો ચુકાદો આપતાં જન્મતારીખના પુરાવા તરીકે આધાર કાર્ડનો ઉપયોગ કરવાનો ઇનકાર કરી દીધો છે. જસ્ટિસ સંજય કરોલ અને જસ્ટિસ ઉજ્જવલ ભુઈયાની બેંચે આધાર કાર્ડને લઈને આ નિર્ણય આપ્યો છે.
- Advertisement -
મૃતક વ્યક્તિના પરિવારને વળતર આપવા સંબંધિત એક કેસમાં સુપ્રીમ કોર્ટે જન્મતારીખના પુરાવા તરીકે આધાર કાર્ડ ન સ્વીકારવા અંગે આ નિર્ણય આપ્યો છે. તમને જણાવી દઈએ કે પંજાબ-હરિયાણા હાઈકોર્ટે અગાઉ આધાર કાર્ડને જન્મતારીખનો પુરાવો ગણાવ્યો હતો. પરંતુ સુપ્રીમ કોર્ટે જન્મતારીખના પુરાવા તરીકે માત્ર શાળા છોડવાનું પ્રમાણપત્ર એટલે કે SLC સ્વીકાર્યું છે. આ કિસ્સામાં નીચલી અદાલતે જન્મતારીખના પુરાવા માટે શાળા છોડવાના પ્રમાણપત્રને માન્ય દસ્તાવેજ તરીકે માન્ય રાખ્યું હતું.
તમને જણાવી દઈએ કે UIDAI એટલે કે યુનિક આઈડેન્ટિફિકેશન ઓથોરિટી ઓફ ઈન્ડિયાએ ગયા વર્ષે ઓક્ટોબરમાં આધાર કાર્ડને લઈને એક નોટિફિકેશન બહાર પાડ્યું હતું જેમાં કહેવામાં આવ્યું હતું કે આધાર કાર્ડનો ઉપયોગ માત્ર ઓળખ કાર્ડ તરીકે જ થઈ શકે છે. જન્મ પ્રમાણપત્રની તારીખ તરીકે નહીં.
