કેશોદ નજીક અકસ્માતમાં રાણિંગપરાનાં છાત્રનું મોત નિપજ્યું

બાઈક અને ટ્રક વચ્ચે અકસ્માત સર્જાયો

ખાસ-ખબર સંવાદદાતા

કેશોદનાં અજાબ રોડ ટ્રક અને બાઇક વચ્ચે અકસ્માત સર્જાયો હતો. જેમાં એક છાત્રનું મોત થયું હતું. જયારે અકસ્માતમાં ટ્રક પણ પલ્ટી મારી ગયો હતો. બનાવની મળતી વિગત મુજબ કેશોદના અજાબ રોડ પર અક્ષયગઢ નજીક અજાબ તરફ જઈ રહેલા ટ્રકે કેશોદ તરફથી ડબલ સવારી બાઈકમાં કેશોદ તરફથી આવતા હતા. ત્યારે વળાંકના કારણે ટ્રકે બાઈકને ઠોકર મારી દીધી હતી. જેથી બાઈક સવાર બંને ફંગોળાઈ ગયા હતા. અને પ્રતાપ ભગવાનજીભાઈ સોલંકી ફાગળીવાળાને ગંભીર ઇજા પહોંચી હતી.જયારે રાણીંગપરાથી પરીક્ષા આપવાં કેશોદ આવતાં દિવ્યેશ ધીરૂભાઇ ડાભી નામના છાત્રનું ઘટના સ્થળે મોત નિપજ્યું હતું. જો કે, 108ની ટીમને જાણ થતા તે તાત્કાલિક ઘટના સ્થળે પહોંચી ઇજાગ્રસ્તને સારવાર માટે હોસ્પિટલ ખસેડયાં હતાં. પરંતુ હોસ્પિટલે ફરજ પર હાજર તબીબે છાત્રને મૃત જાહેર કર્યો હતો. જયારે અકસ્માત સમયે ટ્રક ડ્રાઇવરે સ્ટેયરિંગ પર કાબું ગુમાવતાં ટ્રકે પલ્ટી મારતાં વોકળામાં પડ્યો હતો. જેને લઈ વીજ પોલ ધરાસાયી થતાં તાર નીચે આવતાં ટ્રાફિક જામ થયો હતો.