જૂનાગઢનાં ગિરનાર દરવાજા વિસ્તારમાં નવો રોડ તોડી નાખ્યો

રોડ બન્યો ત્યારે પાઇપલાઇન રિપેરિંગનું કામ ધ્યાને આવ્યો નહી

ખાસ-ખબર સંવાદદાતા
જૂનાગઢમાં શહેરમાં રસ્તાની સમસ્યાનો કોઇ કાયમી ઉકેલ આવતો નથી. જૂનાગઢમાં રસ્તા તો બને છે,પાછળ એટલી જ ઝડપથી ખોદી નાખવામાં આવે છે. ગિરનાર દરવાજા વિસ્તારમાં ડામર રોડ બન્યાનાં કલાકોમાં જ રોડ ખોદી નાખવામાં આવ્યો હતો.

જૂનાગઢ શહેરમાં બિસ્માર રસ્તાથી લોકો કંટળી ગયા હતા. અને હજૂ તમામ રોડ નવા બન્યા નથી. શહેરના ગિરનાર દરવાજા નજીક તાજેતરમાં નવો ડામર રોડ બન્યો હતો. રાત્રે આ રોડ બન્યો તો સવારે પાઇપલાઇન રિપેરિંગ માટે રોડ તોડી નાખ્યો હતો. આ રોડ પર ત્રણ લેયર મારવામાં આવ્યા હતા પરંતુ ત્યાં સુધી પાઇપલાઇન રિપેરિંગ કરવાંનું ઘ્યાનમાં આવ્યું ન હતુ અને નવો રોડ બનતા જ તોડી નાખવામાં આવતા લોકોમાં રોષ ફેલાયો છે.