કાર સહિત 5.72 લાખનો મુદામાલ કબજે, બે શખસ નાસી છૂટ્યા
દારૂનો જથ્થો સાયલાના નોલી ગામેથી ભરી લાવ્યાની કબૂલાત
ખાસ-ખબર ન્યૂઝ રાજકોટ, તા.13
- Advertisement -
રાજકોટ રેન્જ આઈજી અશોકકુમાર યાદવ અને રાજકોટ એસપી જયપાલસિંહ રાઠોડની સૂચના અને માર્ગદર્શન હેઠળ એલ.સી.બી. પીઆઇ ઓડેદરાને મળેલી બાતમી આધારે વિંછીયા તાલુકાના મોઢુકા ગામે પાટીયાળી ચોકડી પાસે વોચ ગોઠવી હતી દરમિયાન નીકળેલી કાર અટકાવી જડતી લેતા ત્રણ આરોપીઓ પોલીસને જોઈ કાર રેઢી મૂકી ભાગ્યા હતા જેમાં પોલીસે મોટા દડવાના જીજ્ઞેશપરી બળવંતપરી ગૌસ્વામી ઉ.29ને ઝડપી લીધો હતો જ્યારે બે શખ્સ અંધારાનો લાભ લઇ નાસી છૂટવામાં સફળ થયા હતા. આ તરફ કારની ઝડતી લેતા કારની ડીકીમાંથી બીયર ટીન સાથે વિદેશી દારુનો જથ્થો મળી આવ્યો હતો.
આ અંગે વિંછીયા પોલીસ મથકમાં ગુનો દાખલ કરી રૂ.46,830ની દારૂની 582 બોટલ, 4800ની કિંમતના બીયરના 48 ટીન, 5 લાખની કાર, 20 હજારના બે મોબાઈલ મળી 5,71,630નો મુદ્દામાલ કબ્જે કરવામાં આવ્યો છે આરોપીની આગવી ઢબે પૂછપરછ કરતા ભાગી છૂટેલા બે આરોપી ઊંટવડના નરેશ ઉર્ફે નાગરાજ રવુ ધાધલ અને જંગવડના અભય કુવાડીયા હોવાનું ખુલતા તેની શોધખોળ હાથ ધરાઈ છે દારૂનો જથ્થો ક્યાંથી લાવ્યા હતા તે અંગે પકડાયેલ જીજ્ઞેશપરીની પૂછતાછ કરતાં પોતે નાગરાજ અને અભય ભાગીદારીમાં સાયલાના નોલી ગામેથી દારૂ લઈને આવતા હોવાની કબૂલાત આપી હતી જો કે દારૂ ત્યાંથી કોણે ભરી આપ્યો તે જીજ્ઞેશપરીને ખ્યાલ નથી.
