દિવના બ્લુ ફ્લેગ ધરાવતા ઘોઘલા બીચ પર કાઈટ ફેસ્ટિવલ યોજાયો

ઘોઘલા બ્લુ ફ્લેગ બીચ ખાતે તા.14 એ સવારે 10 વાગ્યા થી વહીવટી તંત્રના પ્રવાસન વિભાગ વતી પતંગ મહોત્સવની ઉત્સાહભેર ઉજવણી કરવામાં આવી હતી. આ પ્રસંગે સરકારી અધિકારીઓ અને કર્મચારીઓ તેમજ રાજ્યના પતંગપ્રેમી નાગરિકો અને બાળકોએ સંગીતમય વાતાવરણમાં પતંગ ઉડાવી પતંગોત્સવનો ભરપૂર આનંદ માણ્યો હતો.આ પ્રસંગે કલેક્ટર ફરમાન બ્રહ્મા, પોલીસ અધિક્ષક મણિભૂષણ સિંઘ, નાયબ કલેક્ટર ડો.વિવેક કુમાર, મામલતદાર ધર્મેશ દમણિયા, દીવ જિલ્લા પંચાયતના પ્રમુખ શ્રીમતી અમૃતાબેન બામણિયા, દીવ નગરપાલિકાના પ્રમુખ હેમલતા સોલંકી, અધિકારીઓ ઉપસ્થિત રહ્યા હતા. જનપ્રતિનિધિઓ અને સરકારી અધિકારીઓ અને કર્મચારીઓ ઉપસ્થિત રહ્યા હતા.નાયબ કલેક્ટર ડો.વિવેક કુમારે તમામ ઉપસ્થિત નાગરિકોને વહીવટીતંત્ર વતી શુભેચ્છા પાઠવતા જણાવ્યું હતું કે, આ પર્વ સામાજિક સમરસતા અને પરસ્પર ભાઈચારા વધારવા અને પરસ્પર એકતા મજબૂત કરવાનો તહેવાર છે.