વિશ્વ તમાકુ નિષેધ દિવસ નિમિતે વ્યસનમુક્તિના સંદેશ સાથે BAPS દ્વારા મોરબીમાં વિશાળ રેલી નીકળી

ખાસ-ખબર સંવાદદાતા
વિશ્ર્વ તમાકુ નિષેધ દિવસ નિમિત્તે મોરબીમાં બીએપીએસ દ્વારા રેલી યોજાઈ હતી. જેમાં 300 થી વધુ બાળકો અને 200 થી વધુ બાલિકાઓ જોડાઈ હતી તથા તેમના દ્વારા પ્રેરણાત્મક પ્રદર્શન, રચનાત્મક ફ્લોટસ, બાળકો અને બાલિકાઓ દ્વારા થતા સુત્રોચારોએ મોરબીવાસીઓને અનેરી પ્રેરણા આપી હતી. આ રેલીનો શુભારંભ સાંજે પાંચ વાગ્યે મોરબી સિવિલ હોસ્પિટલમાં આવેલ મેદાન ખાતે નિર્માણાધીન ઇઅઙજ સ્વામિનારાયણ મંદિરના સંતો હરિસ્મરણ સ્વામી અને મંગલપ્રકાશ સ્વામીના નેતૃત્વ હેઠળ શહેરના પ્રતિષ્ઠિત મહાનુભાવોના હસ્તે થયો હતો જેમાં મોરબી સિવિલ હોસ્પિટલના છખઘ ડો. સરડવાએ વૈદિક પૂજનવિધિથી રેલીનો આરંભ કરાવ્યો હતો તેમજ સિવિલ હોસ્પિટલના મેદાનથી શરુ થયેલી રેલી બાપા સીતારામ ચોક, નવા બસ સ્ટેન્ડ થઈ મોરબી સિવિલ હોસ્પિટલના મેદાન પર વિરામ પામી હતી.