કોઈને કહ્યા વગર દાદા-દાદીના ઘરે ચાલ્યો ગયો હતો
ખાસ-ખબર સંવાદદાતા
મોરબીના ઘૂંટુ રોડ ઉપર હરિ ઓમ પાર્ક સોસાયટીમાં ફઈ સાથે રહેતો સગીર વયનો બાળક સ્કૂલે ગયા બાદ ગત તા. 23 ના બપોરથી લાપતા થયો હતો. આ બાળક ઈન્દોરથી મળી આવ્યો હોવાનું પોલીસે જાહેર કર્યું છે.
- Advertisement -
મળતી માહિતી મુજબ મોરબીના ઘૂંટુ રોડ ઉપર હરિ ઓમ પાર્ક સોસાયટીમાં રહેતા લીલાબેન પીયૂષભાઈ કાલરીયાના ભાઈ કરણભાઈ ઉર્ફે પ્રકાશભાઈ પરમારનું મૃત્યુ થતા તેમનો પુત્ર મુકેશ કરણભાઈ ઉર્ફે પ્રકાશભાઈ પરમાર ઉ.13 નામનો બાળક લીલાબેન સાથે જ રહે છે અને મોરબીના ઘૂંટુ ગામે આવેલી પ્રાથમિક શાળામાં ધોરણ 7 માં અભ્યાસ કરે છે તે દરમિયાન ગત તા. 23 ના રોજ લીલાબેનનો ભત્રીજો મુકેશ કરણભાઈ ઉર્ફે પ્રકાશભાઈ પરમાર રાબેતા મુજબ સ્કૂલે ગયા બાદ બપોરે ઘેર પરત ન ફરતા પરિવાર દ્વારા વ્યાપક શોધખોળ કરવામાં આવી હતી પરંતુ મુકેશ નહીં મળતા મુકેશના અપહરણની આશંકાએ મોરબી તાલુકા પોલીસ મથકમાં ફરિયાદ નોંધાવવામાં આવી હતી. આ બાળક હાલ ઈન્દોરથી મળી આવ્યો છે અને આ અંગે તાલુકા પોલીસના પીઆઈ કે.એમ.વાળાએ જણાવ્યું હતું કે, બાળક પાસે પૈસા હતા. તે ઈન્દોરની બસમાં બેસી ગયો હતો અને ત્યાં તે તેના દાદા-દાદી પાસે પહોંચી ગયો હતો.
