વડવાળા મંદિરના મહંતે ઉપસ્થિત રહીને આશીર્વાદ પાઠવ્યા
ખાસ-ખબર સંવાદદાતા
હળવદ માલધારી વિવિધલક્ષી વિકાસ ટ્રસ્ટ દ્વારા હળવદ પરગણા રબારી સમાજના ધોરણ 10 અને 12 ના તેજસ્વી તારલાઓ, નવ નિયુક્ત કર્મચારીઓ અને નિવૃત્ત કર્મચારીઓનો સન્માન સમારોહ રબારી સમાજની છાત્રાલય ખાતે યોજાયો હતો. આ પ્રસંગે દુધઈ વડવાળા મંદિરના મહંત રામબાલકદાસ બાપુ, દુધરેજ વડવાળા મંદિરના કોઠારી મુકુંદરામ બાપુ તેમજ સુરેન્દ્રનગર, ધ્રાંગધ્રા અને મોરબી રબારી સમાજના આગેવાનો તથા હળવદ પરગણાના રબારી સમાજના આગેવાનો મોટી સંખ્યામાં ઉપસ્થિત રહ્યાં હતા.
- Advertisement -
આ તકે લીંબાભાઈ રબારી દ્વારા મહેમાનોનું શાબ્દીક સ્વાગત, ભરતભાઈ રબારી દ્વારા છાત્રાલયની વિકાસ ગાથાનો પરિચય અને સમાજના દાતાઓ તરફથી વિદ્યાર્થીઓને પુરસ્કૃત કરવામાં આવ્યા હતા. આ કાર્યક્રમને સફળ બનાવવા માટે માલધારી વિવિધલક્ષી વિકાસ ટ્રસ્ટના યુવાનો લીંબાભાઈ રબારી, નાગરભાઈ રબારી, સવાભાઈ રબારી, ભરતભાઈ રબારી, હરીશભાઈ રબારી, નરેશભાઈ રબારી, વાઘાભાઈ રબારી અને જયેશભાઈ રબારી સહિતના યુવાનોએ ભારે જહેમત ઉઠાવી હતી. આ કાર્યક્રમનું સંચાલન સંજયભાઈ રબારી દ્વારા કરવામાં આવ્યું હતું.
