ઉતરપ્રદેશમાં બે દિવસથી ભારે વરસાદ: લખનૌ સહિતના ભાગોમાં સ્કુલ-કોલેજો બંધ

-નદીઓના જળસ્તર પર વોચ રાખવા મુખ્યમંત્રીનો આદેશ

ચોમાસાના લાંબા બ્રેક બાદ ઉતરપ્રદેશ જેવા અમુક રાજયોમાં ભારે વરસાદ વચ્ચે મેઘતાંડવની હાલત સર્જાઈ છે. લખનૌ જેવા શહેરોમાં સ્કુલ-કોલેજો બંધ કરવા સાથે મોટાપાયે સ્થળાંતર કરાવવામાં આવ્યું છે. દેશના 16 રાજયોમાં વરસાદ થવાની આગાહી હવામાન વિભાગ દ્વારા કરવામાં આવી છે.

ઉતરપ્રદેશના અર્ધોડઝનથી વધુ જીલ્લાઓમાં ભારે વરસાદનો કહેર રહ્યો છે. લખનૌમાં સળંગ બે દિવસથી વરસાદને કારણે ઠેકઠેકાણે જળબંબાકાર વચ્ચે હાલ-બેહાલ બન્યા છે. પરિણામે સ્કુલ-કોલેજો-શૈક્ષણિક સંસ્થાનોમાં રજા જાહેર કરી દેવામાં આવી હતી. વિજળી પડવાની ઘટનાઓ પણ બની હતી. ઉતરપ્રદેશના મુખ્યમંત્રી યોગી આદીત્યનાથે નદીઓના વધતા જળસ્તર પર ખાસ નજર રાખવાના આદેશો કર્યા હતા.