મારા વિના સરકાર નહીં બને: બાબરી મસ્જિદ માટે 3 કરોડ રૂપિયાનું દાન એકત્ર કર્યું: હુમાયુ કબીર
ખાસ-ખબર ન્યૂઝ ઈં નવી દિલ્હી, તા.17
બંગાળની સત્તાધારી તૃણમૂલ કોંગ્રેસ (ઝખઈ)માંથી સસ્પેન્ડ કરાયેલા ધારાસભ્ય હુમાયુ કબીરે મંગળવારે કહ્યું કે તેઓ બંગાળના ઓવૈસી છે. હુમાયુએ અઈંખઈંખ ચીફ અસદુદ્દીન ઓવૈસી સાથેના પોતાના ગાઢ સંબંધોનું વર્ણન કરતા મજાકીયા અંદાજમાં કહ્યું- મેં તેમની સાથે વાત કરી છે. તેમણે મને કહ્યું છે કે તેઓ હૈદરાબાદના ઓવૈસી છે અને હું બંગાળનો ઓવૈસી છું.
હુમાયુએ મીડિયા સાથે વાત કરતા કહ્યું- 2026ની વિધાનસભા ચૂંટણીમાં હું કિંગમેકર બનીશ. મારા સમર્થન વિના કોઈ પણ પાર્ટી સરકાર બનાવી શકશે નહીં. હુમાયુએ દાવો કર્યો કે 2026માં ન તો ઝખઈ અને ન તો ભાજપ પોતાના દમ પર બહુમતીનો આંકડો પાર કરી શકશે.
હુમાયુએ 6 ડિસેમ્બરે બંગાળના મુર્શિદાબાદ જિલ્લામાં બાબરી મસ્જિદના મોડેલ પર એક મસ્જિદનો શિલાન્યાસ કર્યો. આ જ દિવસે ઉત્તર પ્રદેશના અયોધ્યામાં મસ્જિદના ધ્વંસની 33મી વર્ષગાંઠ હતી. મસ્જિદને લઈને વિવાદના કારણે ઝખઈએ 28 નવેમ્બરે હુમાયુને પાર્ટીમાંથી સસ્પેન્ડ કરી દીધા હતા. અહીં, બાબરી મસ્જિદ શૈલીની મસ્જિદ માટે અત્યાર સુધીમાં લગભગ 3 કરોડ રૂપિયાનું દાન મળી ચૂક્યું છે. હુમાયુના જણાવ્યા અનુસાર, મસ્જિદ નિર્માણ સ્થળ પર 12 દાનપેટીઓ રાખવામાં આવી હતી. 11 પેટીઓમાંથી 57 લાખ ગણવામાં આવ્યા છે. એક પેટીની ગણતરી બાકી છે. ચછ કોડ પેમેન્ટ દ્વારા 2.47 કરોડનું દાન મળ્યું છે.ઝખઈમાંથી સસ્પેન્ડ થયા પછી, હુમાયુએ સંકેત આપ્યો હતો કે તેઓ ધારાસભ્ય પદ પરથી રાજીનામું આપશે. જોકે, 8 ડિસેમ્બરે તેમણે યુ-ટર્ન લેતા કહ્યું કે તેઓ પોતાની ધારાસભ્ય પદ છોડશે નહીં. તેમણે દાવો કર્યો કે વધુ બે ધારાસભ્યો તેમની નવી પાર્ટીમાં જોડાશે. જોકે તેમણે તેમની ઓળખ જણાવવાનો ઇનકાર કર્યો.
હુમાયુએ 2026ની ચૂંટણીમાં ડાબેરી પક્ષો, કોંગ્રેસ અને અઈંખઈંખ સાથે સમજૂતી કરવાની પણ શક્યતાઓ વ્યક્ત કરી છે. તેમણે કહ્યું- હજુ સુધી કોંગ્રેસ સાથે વાત કરી નથી. માકપાના રાજ્ય સચિવ મોહમ્મદ સલીમે વાતચીતની વાત કહી છે. મુર્શિદાબાદમાં કોંગ્રેસ અને ડાબેરી પક્ષો સાથે બેઠકોની વહેંચણીની સંભાવના છે.
- Advertisement -
ભાજપ કે ઝખઈ બહુમતીનો આંકડો પાર નહીં કરી શકે: હુમાયુ કબીર
હુમાયુએ આગળ કહ્યું- મારું અનુમાન છે કે 294 બેઠકોમાંથી કોઈ પણ પક્ષ 148 બેઠકોથી વધુ નહીં લાવી શકે. હું 22 ડિસેમ્બરે મારી પાર્ટીની જાહેરાત કરીશ. મુર્શિદાબાદના બરહામપુર ટેક્સટાઈલ્સ મોડ ખાતે એક લાખ લોકોની હાજરીમાં નવી પાર્ટીની રચના થશે. જ્યારે મીડિયાએ પૂછ્યું કે શું તેમની પાર્ટીનું નામ નેશનલ ક્ધઝર્વેટિવ પાર્ટી હશે, ત્યારે હુમાયુ સેને સીધો જવાબ આપવાનો ઇનકાર કર્યો. તેમણે હસતાં હસતાં કહ્યું- હું પછીથી બધું જણાવીશ. તમને 22 ડિસેમ્બર પછી બધું જ ખબર પડી જશે.
