ખાસ-ખબર ન્યૂઝ રાજકોટ
વિદ્યાર્થીઓના સર્વાંગીણ વિકાસ માટે સતત અગ્રેસર રહેલી વીવીપી એન્જીનીયરીંગ કોલેજ ખાતે ભવ્ય ઇન્ડોર સ્પોર્ટ્સ ફેસ્ટિવલનું આયોજન કરવામાં આવ્યું હતું. ડિગ્રી અને ડિપ્લોમા એન્જીનીયરીંગના 450થી પણ વધુ વિદ્યાર્થીઓ અને વિદ્યાર્થીનીઓએ આ ફેસ્ટિવલમાં ઉત્સાહપૂર્વક ભાગ લીધો હતો. ઇન્ડોર સ્પોર્ટ્સમાં ચેસ, ટેબલ ટેનિસ, કેરમ અને બેડમિન્ટન જેવી સ્પર્ધાઓ યોજાઈ હતી. ઉદ્ઘાટન સમારોહ અને મહાનુભાવોનું માર્ગદર્શન આ સ્પોર્ટ્સ ફેસ્ટિવલના ઉદ્ઘાટન પ્રસંગે અનેક મહાનુભાવો ઉપસ્થિત રહ્યા હતા: સ્વર્ણિમ ગુજરાત સ્પોર્ટ્સ યુનિવર્સિટીના ભૂતપૂર્વ વાઇસ ચાન્સેલર પ્રો. ડો. અર્જુનસિંહ રાણા, જીટીયુના ભૂતપૂર્વ વાઇસ ચાન્સેલર અને વીવીપીના ટ્રસ્ટી પ્રો. ડો. નવીનભાઈ શેઠ, ઇસરોના સાયન્ટિસ્ટ સંતોષકુમાર ત્રિપાઠી, વીવીપીના પ્રિન્સિપાલ ડો. પિયુષભાઈ વણઝારા. ડો. અર્જુનસિંહ રાણાએ વિદ્યાર્થીઓને સંબોધતા જણાવ્યું હતું કે, સ્પોર્ટ્સમાં ભાગ લેનાર ખેલાડી તરીકે ઇન્ટેગ્રિટી (સત્યનિષ્ઠા) ખૂબ મહત્વની છે. તેમણે વીવીપી જેવી સંસ્થાઓ દ્વારા રમતગમત માટે મળતી સારી સુવિધાઓને ધન્યવાદ આપ્યા હતા. તેમણે વિદ્યાર્થીઓને શારીરિક અને માનસિક સજ્જતા માટે રમવા, દિલથી રમવા અને હારજીતને બદલે વ્યક્તિગત વિકાસ માટે રમવા માટે પ્રોત્સાહિત કર્યા હતા.સમગ્ર કાર્યક્રમનું સફળ સંચાલન રીસર્ચ એન્ડ ડેવલોપમેન્ટ સેલના ક્ધવીનર ડો. સચિનભાઈ રાજાણીએ કર્યું હતું. કાર્યક્રમને સફળ બનાવવા સ્પોર્ટ્સ ક્ધવીનર પ્રો. પાર્થભાઈ દેલવાડીયા, પ્રો. કુંજન ભંડેરી, શ્યામભાઈ પુરોહિત સહિત સમગ્ર કર્મચારી અને વિદ્યાર્થીગણે જહેમત ઉઠાવી હતી. સંસ્થાના ટ્રસ્ટીઓ કૌશીકભાઈ શુકલ, ડો. સંજીવભાઈ ઓઝા, હર્ષલભાઇ મણીઆર, ડો. નરેન્દ્રભાઈ દવે, ડો. નવીનભાઈ શેઠે આ સફળ આયોજન બદલ શુભેચ્છાઓ પાઠવી હતી.
- Advertisement -
જીટીયુની ઝોન અને ઇન્ટરઝોન રમતોમાં વીવીપીની ‘સિક્સર’
વીવીપી એન્જીનીયરીંગ કોલેજે શૈક્ષણિક પ્રદર્શનની સાથે રમતગમતમાં પણ ઉત્કૃષ્ટ દેખાવ કર્યો છે. વીવીપીની ટીમે જીટીયુની ઝોન અને ઇન્ટરઝોન રમતોમાં છ રમતોમાં ચેમ્પિયન અથવા રનર્સ અપ બનીને ‘સિક્સર’ ફટકારી છે:
રમત વર્ગ સિદ્ધિ કક્ષા
ક્રિકેટ મહિલા ચેમ્પિયન ઇન્ટર ઝોન
બાસ્કેટબોલ ભાઈઓ દ્વિતીય (રનર્સ અપ) ઇન્ટર ઝોન
બાસ્કેટબોલ બહેનો દ્વિતીય (રનર્સ અપ) ઇન્ટર ઝોન
ચેસ બહેનો દ્વિતીય (રનર્સ અપ) ઇન્ટર ઝોન
વોલીબોલ બહેનો પ્રથમ (ચેમ્પિયન) ઝોનલ
બેડમિન્ટન ભાઈઓ પ્રથમ (ચેમ્પિયન) ઝોનલ
બેડમિન્ટન બહેનો દ્વિતીય (રનર્સ અપ) ઝોનલ
સ્વિમિંગ ભાઈઆ પ્રથમ ઇન્ટર ઝોન
કરાટે બહેનો પ્રથમ ઇન્ટર ઝોન
ઇન્ડોર સ્પોર્ટ્સના વિજેતાઓ અને સન્માન
ઇન્ડોર સ્પોર્ટ્સ ફેસ્ટિવલના વિજેતા વિદ્યાર્થીઓને ઇનામ આપીને બિરદાવવામાં આવ્યા હતા. આ ઉપરાંત, કોલેજ દ્વારા યોજાતી રીસર્ચ પેપર રાઇટિંગ સ્પર્ધાના વિજેતાઓને પણ ઇનામ આપી સન્માનિત કરાયા હતા.
ઇન્ડોર સ્પોર્ટ્સના મુખ્ય વિજેતાઓ:
સ્પર્ધા વર્ગ વિજેતા (પ્રથમ ક્રમાંક) વિભાગ
ટેબલ ટેનિસ ભાઈઓ ધ્યેય પીઠડીયા સી.ઈ.
ટેબલ ટેનિસ બહેનો પરી વ્યાસ કેમિકલ
કેરમ ભાઈઓ હેનીલ પટોડીયા કેમિકલ
કેરમ બહેનો વૈભવી જાની આઈ.ટી.
બેડમિન્ટન બહેનો આસવી ઠાકુર સી.ઈ.
ચેસ ભાઈઓ પાર્થરાજ પારઘી ઇલેક્ટ્રિકલ
ચેસ બહેનો હ્તીકા સોનૈયા આઈ.ટી.
