ઇન્ટીગ્રેટેડ રિસર્ચ એન્ડ એક્શન ફોર ડેવલપમેન્ટ, ન્યુ દિલ્હી દ્વારા ક્લાઈમેટ ચેઈન્જ અને સ્વાસ્થ્ય અંતર્ગત ડેન્ગ્યુ પર વર્ચ્યુઅલ વર્કશોપ યોજાયો.

રાજકોટ મહાનગરપાલિકા દ્વારા હાથ ધરવામાં આવતા ડેન્ગ્યુ વિરોધી પગલાંઓ અંગે મેયર ડૉ.પ્રદિપ ડવે વિસ્તૃત ચિતાર રજુ કર્યો.

ઇન્ટીગ્રેટેડ રિસર્ચ એન્ડ એક્શન ફોર ડેવલપમેન્ટ, ન્યુ દિલ્હી સંસ્થાના રોહિત મગોત્રાએ રાજકોટમાં થતી કામગીરીને બિરદાવી.

સામાન્ય રીતે ડેન્ગ્યુ રોગચાળો વર્ષમાં સપ્ટેમ્બર થી નવેમ્બર સુધીના સમયગાળામાં ડેન્ગ્યુના કેઈસો વધુ પ્રમાણમાં નોંધાય તેવી પરિસ્થિતિ હોય છે. ડેન્ગ્યુના કેઈસોનું પ્રમાણ ઘટાડવા માટે સ્થાનિક સ્વરાજ્યની સંસ્થાઓ દ્વારા રોગચાળા વિશે માહિતી લોકો સુધી પહોંચાડવા અને જનજાગૃતિના ભાગરૂપે દર વર્ષે જુલાઈ મહિનો “ડેન્ગ્યુ જાગૃતિ માસ” તરીકે ઉજવવામાં આવે છે.

Contents

રાજકોટ મહાનગરપાલિકા દ્વારા હાથ ધરવામાં આવતા ડેન્ગ્યુ વિરોધી પગલાંઓ અંગે મેયર ડૉ.પ્રદિપ ડવે વિસ્તૃત ચિતાર રજુ કર્યો.ઇન્ટીગ્રેટેડ રિસર્ચ એન્ડ એક્શન ફોર ડેવલપમેન્ટ, ન્યુ દિલ્હી સંસ્થાના રોહિત મગોત્રાએ રાજકોટમાં થતી કામગીરીને બિરદાવી.

ઇન્ટીગ્રેટેડ રિસર્ચ એન્ડ એક્શન ફોર ડેવલપમેન્ટ, ન્યુ દિલ્હી સંસ્થા દ્વારા જળવાયુ પરિવર્તન અને સ્વાસ્થ્યના ક્ષેત્રમાં ઘણા વર્ષોના શોધ અને સંશોધનના પરિણામે એ નોંધાયું છે કે, ભારતમાં મોટી સંખ્યામાં લોકો વાહકજન્ય બીમારીઓ તેમજ ગરમીના તણાવથી સંબંધિત બીમારીઓથી પીડિત છે. ડેન્ગ્યુ એ વાહકજન્ય બીમારીઓથી ફેલાતા રોગ પૈકીનો એક છે. છેલ્લા એક દશકામાં ડેન્ગ્યુના કેઈસોમાં ઝડપી વૃદ્ધિ થઇ છે. ડેન્ગ્યુ વાહકનો વસ્તી વધારો અને રોગ સંક્રમણની સંખ્યાનો પર્યાવરણ અને જળવાયુ પરિવર્તન સાથે ઘનિષ્ઠ સંબંધ છે. એટલા માટે જ ડેન્ગ્યુ સંક્રમણ ઘટાડવા માટે કાર્યરત સરકારી સંસ્થાઓ, એન.જી.ઓ. વિગેરેએ સ્થાનિક જળવાયુકારકો અને જનસંખ્યા સાથે ડેન્ગ્યુથી થતા સંક્રમણની સંખ્યાના જોડાણને સમજવું ખૂબ જ જરૂરી છે. જેને લીધે જ ભવિષ્યમાં ડેન્ગ્યુ રોગચાળાને આગળ વધતો અટકાવવાના ઉપાયો હાથ ધરી શકાય તેમ છે.