લોકસભા સુધી જ સાથે હતા, હવે વિધાનસભા ચૂંટણીઓમાં આમ આદમી પાર્ટી વધુ મજબૂતીથી લડશે : ગોપાલ રાય
રાત ગઈ, બાત ગઈ … સમજૂતી પૂરી
- Advertisement -
ખાસ-ખબર ન્યૂઝ નવી દિલ્હી, તા.7
લોકસભા ચૂંટણીમાં કારમી હાર બાદ આમ આદમી પાર્ટીએ મોટો નિર્ણય લીધો છે. આગામી છ મહિનામાં યોજાનારી વિધાનસભા ચૂંટણીમાં અઅઙ એકલા હાથે લડશે. કોંગ્રેસ સાથે તેમની સમજૂતી પૂરી થઈ ગઈ છે. ગુરુવારે લોકસભા ચૂંટણીની સમીક્ષા બેઠકમાં આ નિર્ણય લેવામાં આવ્યો હતો. આમાં આપના તમામ ધારાસભ્યો અને વરિષ્ઠ નેતાઓએ ભાગ લીધો હતો. AAPના રાજ્ય સંયોજક ગોપાલ રાયે આ માહિતી આપી.
બીજી તરફ પ્રદેશ કોંગ્રેસ અધ્યક્ષ દેવેન્દ્ર યાદવે કહ્યું કે આ ગઠબંધન માત્ર રાષ્ટ્રીય સ્તરે લોકસભા ચૂંટણી માટે છે. ગઠબંધન સમયે વિધાનસભાને લઈને કોઈ ચર્ચા થઈ ન હતી. ગુરુવારે બપોરે અઅઙએ લોકસભા ચૂંટણીની સમીક્ષા બેઠક બોલાવી હતી. બેઠક બાદ કહેવામાં આવ્યું હતું કે અઅઙ આગામી દિલ્હી વિધાનસભા ચૂંટણી 2025 એકલા હાથે લડશે. રાયે કહ્યું કે કેજરીવાલની ધરપકડ બાદ કાર્યકર્તાઓમાં નિરાશા હતી, પરંતુ અઅઙએ મુશ્કેલ સંજોગોમાં પણ એકજુટ થઈને ચૂંટણી સારી રીતે લડી છે.અઅઙ દિલ્હી વિધાનસભાની ચૂંટણી એકલા હાથે લડશે. નક્કી કરવામાં આવ્યું છે કે, દર શનિવાર અને રવિવારે તમામ ધારાસભ્યો પોતપોતાના વિસ્તારોમાં વિકાસના કામો કરશે. ત્યાં કાર્યકરો સાથે બેઠક યોજશો. શનિવારે તમામ કાઉન્સિલરો સાથે બેઠક થશે અને 13 જૂને દિલ્હીના તમામ કાર્યકરો સાથે મોટી બેઠક થશે. આચારસંહિતાના કારણે વિકાસ કામો અટકી ગયા હતા.
