હવે 20 મિનિટમાં જ દિલ્હી પહોંચી જશો, વડાપ્રધાન મોદીના હસ્તે આજે દ્વારકા એક્સપ્રેસ વેનું ઉદ્ઘાટન

નીતિન ગડકરી દિલ્હી-ગુરુગ્રામ નેશનલ હાઈવે પર શિવ મૂર્તિ ખાતે વડાપ્રધાન મોદીનું સ્વાગત કરશે, દિલ્હી ભાજપના લગભગ 25 હજાર કાર્યકર્તાઓ દ્વારકા ટોલ પ્લાઝા પર ફૂલ વરસાવીને વડાપ્રધાન મોદીનું સ્વાગત કરશે

વડાપ્રધાન નરેન્દ્ર મોદી આજે એટલે કે સોમવાર, 11 માર્ચે હરિયાણાના ગુરુગ્રામમાં દેશના પ્રથમ એલિવેટેડ એક્સપ્રેસ વે, દ્વારકા એક્સપ્રેસ વેનું ઉદ્ઘાટન કરશે. એક્સપ્રેસ વેના ઉદ્ઘાટન બાદ વડાપ્રધાન મોદી રોડ શો દ્વારા લોકોને સંબોધિત કરશે. વડાપ્રધાન મોદીના કાર્યક્રમને ધ્યાનમાં રાખીને દિલ્હી પોલીસે ટ્રાફિક એડવાઇઝરી પણ જાહેર કરી હતી અને લોકોને જાહેર પરિવહનનો ઉપયોગ કરવાની અપીલ કરી હતી. જણાવવામાં આવી રહ્યું છે કે, કેન્દ્રીય પરિવહન મંત્રી નીતિન ગડકરી દિલ્હી-ગુરુગ્રામ નેશનલ હાઈવે પર શિવ મૂર્તિ ખાતે વડાપ્રધાન મોદીનું સ્વાગત કરશે. ત્યારબાદ દક્ષિણ દિલ્હીના સાંસદ રમેશ બિધુરી હજારો કાર્યકરો સાથે તેમનું સ્વાગત કરશે. આ પછી દિલ્હી ભાજપના લગભગ 25 હજાર કાર્યકર્તાઓ દ્વારકા ટોલ પ્લાઝા પર ફૂલ વરસાવીને વડાપ્રધાન મોદીનું સ્વાગત કરશે.

आदरणीय प्रधानमंत्री श्री @narendramodi जी 🗓 सोमवार, 11 मार्च 2024 को गुरुग्राम, हरियाणा में देश 🇮🇳 का पहला एलिवेटेड एक्सप्रेसवे द्वारका एक्सप्रेसवे 🛣 का लोकार्पण करेंगे।#PragatiKaHighway #GatiShakti #BuildingTheNation #ModiKiGuarantee #DwarkaExpressway @PMOIndia pic.twitter.com/hlKmQM2Syx

— Nitin Gadkari (मोदी का परिवार) (@nitin_gadkari) March 10, 2024

પોલીસે ટ્રાફિક એડવાઇઝરી જાહેર કરી
પોલીસે જણાવ્યું કે વડાપ્રધાન 11 માર્ચે સેક્ટર-25 દ્વારકામાં દ્વારકા એક્સપ્રેસ વે (UER-II) નું ઉદ્ઘાટન કરશે, જેના માટે ટ્રાફિક પોલીસે ટ્રાફિક એડવાઇઝરી જાહેર કરી છે. દ્વારકાની આસપાસ ટ્રાફિક જામ જેવી સ્થિતિ જોવા મળી શકે છે. એડવાઈઝરી મુજબ, લોકોએ સવારે 8 થી બપોરના 2 વાગ્યા સુધી આ માર્ગો પર જવાનું ટાળવું જોઈએ. ધૌલસીરસ ચોક, ટ્રાન્સપોર્ટ ઓથોરિટી ઓફિસ પાસે, સેક્ટર 8/9 ક્રોસિંગ, D.G.S./કાર્મેલ ચોક (સેક્ટર-20), સેક્ટર-23 છે. જાનકી ચોક, દ્વારકા મેટ્રો સ્ટેશન અને પેસિફિક મોલ કટથી ગોલ્ફ કોર્સ રોડ, પોચનપુર ફ્લાયઓવર, સેક્ટર-23 ચોક, ભરથલ ચોકથી ધૌલા સિરસા ચોક અને છાવલા રોડ પર પોલીસ સ્ટેશન પાસે ટ્રાફિક જામની શક્યતા હોઇ આવી સ્થિતિમાં લોકોએ આ માર્ગો પર જવાનું ટાળવું જોઈએ. પોલીસે લોકોને જાહેર પરિવહનનો ઉપયોગ કરવાની અપીલ પણ કરી છે.

Traffic Advisory:- pic.twitter.com/fXNZblED1g

— Gurugram Traffic Police (@TrafficGGM) March 10, 2024

આ વાતોનું પણ ધ્યાન રાખો
– રેલવે સ્ટેશન, હોસ્પિટલ અને ISBT જતા મુસાફરોએ પૂરતા સમય સાથે તેમની મુસાફરી શરૂ કરવી જોઈએ.
– રસ્તાની ભીડ ઘટાડવામાં મદદ કરવા માટે જાહેર પરિવહનનો ઉપયોગ કરો.
– નિયુક્ત પાર્કિંગ સ્થળો પર જ વાહનો પાર્ક કરો.

આ એક્સપ્રેસ વે NH-48 થી બાજખેડા બોર્ડર સુધી પૂર્ણ કરવામાં આવ્યો છે, જેની લંબાઈ લગભગ 18 કિલોમીટર હોવાનું કહેવાય છે. આ એક્સપ્રેસ વે ગુરુગ્રામના ખેડીકીદૌલા ટોલ પ્લાઝાની નજીકથી દિલ્હીના મહિપાલપુરમાં શિવમૂર્તિ સુધી બનાવવામાં આવશે, જેની લંબાઈ લગભગ 29 કિલોમીટર હોવાનું કહેવાય છે.