ભારતે યુદ્ધમાં ઇઝરાયલને હથિયાર આપ્યાનો દાવો
ખાસ-ખબર ન્યૂઝ નવી દિલ્હી, તા.26
- Advertisement -
હમાસ સામેના યુદ્ધ વચ્ચે ભારતે ઇઝરાયલને હથિયારોની નિકાસ કરી છે. કતારના મીડિયા અલજઝીરાએ પોતાના રિપોર્ટમાં આ દાવો કર્યો છે. આ મુજબ ભારતે ઇઝરાયલને 20 ટન રોકેટ એન્જિન, 12.5 ટન વિસ્ફોટક ચાજ્ર્ડ રોકેટ, 1500 કિલો વિસ્ફોટક સામગ્રી અને 740 કિલો દારૂગોળો સપ્લાય કર્યો છે. રિપોર્ટ અનુસાર, 15 મેના રોજ બોરકામ નામનું એક માલવાહક જહાજ સ્પેનના દરિયાકાંઠે પહોંચ્યું હતું. અહીં કેટલાક પ્રદર્શનકારીઓએ પેલેસ્ટિનિયન જહાજને લહેરાવ્યું અને અધિકારીઓને જહાજની તપાસ કરવાની માંગ કરી.
EUના ડાબેરી સભ્યોએ સ્પેનિશ રાષ્ટ્રપતિ પેદ્રો સાંચેઝને અપીલ કરી કે જહાજને સ્પેનના દરિયાકાંઠે રોકાવાની મંજૂરી આપવામાં આવે. જો કે, સ્પેન કોઈ નિર્ણય લે તે પહેલાં બોરકમ જહાજ ત્યાંથી સ્લોવેનિયાના કોપર કિનારે રવાના થઈ ગયું. આ અંગે સ્પેનની ડાબેરી સમર પાર્ટીએ કહ્યું કે જહાજનું રવાના થવું એ વાતનો પુરાવો છે કે તે ઇઝરાયલ માટે હથિયારોથી ભરેલું હતું. હવે અલજઝીરાએ આ દાવાઓને સમર્થન આપ્યું છે. રિપોર્ટ અનુસાર, આ જહાજ 2 એપ્રિલે ચેન્નાઈના દરિયાકાંઠેથી રવાના થયું હતું, જે ઇઝરાયલના અશદોદ પોર્ટ જઈ રહ્યું હતું.આ કિનારો ગાઝા પટ્ટીથી લગભગ 30 કિમીના અંતરે આવેલું છે. મરીન ટ્રેકિંગ વેબસાઈટને ટાંકીને કહેવામાં આવ્યું હતું કે જહાજ ઇઝરાયલ પહોંચવા માટે લાલ સમુદ્રનો માર્ગ અપનાવ્યો ન હતો કારણ કે હુથી બળવાખોરો ત્યાં હુમલા કરવાનું ચાલુ રાખે છે.
રિપોર્ટ અનુસાર, જહાજ પર હાજર ક્રૂ મેમ્બર્સ સિવાય, નિકાસ સાથે સંકળાયેલા તમામ કર્મચારીઓ અને અધિકારીઓને કડક આદેશ આપવામાં આવ્યો હતો કે કોઈ પણ સંજોગોમાં ત્યાંની સૌથી મોટી હથિયાર બનાવતી કંપની ઈઝરાયેલ અથવા ઈંખઈં સિસ્ટમ્સનો ઉલ્લેખ ન કરો.આ પછી 21 મેના રોજ પણ ભારતીય કાર્ગો જહાજને સ્પેનના કાર્ટેજીના બંદર પર રોકવાની મંજૂરી આપવામાં આવી ન હતી.
- Advertisement -
નુસીરત કેમ્પ પર હુમલામાં ભારતીય બનાવટની મિસાઈલનો ઉપયોગ કરવામાં આવ્યો હતો
સ્પેનના વિદેશ મંત્રી જોસ મેન્યુઅલ અલ્બારેઝે એક પ્રેસ કોન્ફરન્સમાં પુષ્ટિ કરી હતી કે ભારતથી આવી રહેલા જહાજને રોકવાની મંજૂરી આપવામાં આવી નથી કારણ કે તે ઇઝરાયલ માટે સૈન્ય સામગ્રી લઈ જઈ રહ્યું હતું. 6 જૂનના રોજ, ગાઝાના નુસીરત કેમ્પ પર પેલેસ્ટિનિયન મીડિયા કુડ્સ ન્યૂઝ નેટવર્કે ઇઝરાયેલના બોમ્બમારા વચ્ચે એક વિડિયો બહાર પાડ્યો હતો. જેમાં ઈઝરાયેલ દ્વારા છોડવામાં આવેલી મિસાઈલનો એક ભાગ દેખાઈ રહ્યો હતો. આ ભાગ પર ’મેડ ઇન ઇન્ડિયા’નું લેબલ હતું. કુદસ ન્યૂઝે દાવો કર્યો હતો કે ઈઝરાયેલે ભારત પાસેથી મળેલા હથિયારોનો ઉપયોગ કરીને ગાઝા પર હુમલો કર્યો હતો.
