સુરતના ડાયમંડ બુર્સનું 100 ટકા કામ પૂર્ણ

5 જૂને 4200 ઓફિસોના માલિક એકસાથે આરતી કરાશે

ખાસ-ખબર સંવાદદાતા
સુરત ડાયમંડ બુર્સના નિર્માણનું કામ 100 ટકા પૂર્ણ થઈ ગયું છે અને 5મી જૂને ગણેશ સ્થાપના કરીને 4200 ઓફિસોના માલિક 4200 દિવડા પ્રગટાવી મહાઆરતી કરશે. સુરત ડાયમંડ બુર્સનું ઉદ્ધાટન વહેલી તકે થાય તેની રાહ શહેરના હીરા ઉદ્યોગપતિઓ દ્વારા જોવાઈ રહી છે. ખજોદમાં બની રહેલા ડાયમંડ બુર્સના નિર્માણનું કામ 100 ટકા પૂર્ણ થઈ ગયું છે.

સુરત ડાયમંડ બુર્સની 300, 500 અને 1000 સ્ક્વેર ફૂટ એમ તમામ ઓફિસોમાં ફર્નિચર કરવા માટે પજેશન આપી દેવાયું છે.