ખાસ-ખબર ન્યૂઝ રાજકોટ
નગરપાલિકાઓ ની ચૂંટણીમાં રાજકોટ ભારતીય જનતા પાર્ટીનો રાજકોટ જિલ્લાની તમામ 5 નગરપાલિકા જસદણ, જેતપુર, ધોરાજી, ઉપલેટા, ભાયાવદર નગરપાલિકાઓ તથા તાલુકા પંચાયતની બેઠકો પર ભવ્ય વિજય થયો છે. ભાજપના સંગઠનના હોદેદારો તમામ શ્રેણીના કાર્યકર્તાઓ, આગેવાનોનો જાહેર આભાર વ્યકત કરતા રાજકોટ જિલ્લા પંચાયતના પ્રમુખ પ્રવીણાબેન રંગાણી એ જણાવેલ કે દેશના યશસ્વી પ્રધાનમંત્રી નરેન્દ્રભાઈ મોદીના નેતૃત્વમાં અને રાજ્ય ના મુખ્યમંત્રી ભૂપેન્દ્રભાઈ પટેલ ના નેતૃત્વમાં વિકાસલક્ષી સીમાચિન્હરૂપ નિર્ણયો લેવાયા છે. ભાજપની સરકારે સર્વસમાવેશી અને વિકાસલક્ષી શાસનનું ઉતમ દૃષ્ટાંત પુરૂ પાડયું છે જેમાં ખેડૂતો, ગરીબો, સીમાંત, યુવાનો, મહિલાઓ અને નવા મધ્યમ વર્ગની આશા અને આકાંક્ષાઓ પરિપૂર્ણ થઈ છે. ત્યારે ભાજપ એક મજબૂત, સ્વનિર્ભર અને સમૃધ્ધ ભારત બનાવવા માટે કટીબધ્ધ છે.
