અજઅઙ: યુવાનોના અવાજ અને રાજકારણના પ્રવેશ માટેનું પ્લેટફોર્મ
ખાસ-ખબર ન્યૂઝ રાજકોટ
આમ આદમી પાર્ટી (અઅઙ)ના ગુજરાત પ્રદેશ પ્રમુખ ઈસુદાન ગઢવી આજે રાજકોટ ખાતે અઅઙના નવા વિદ્યાર્થી સંગઠન “ASAP’ (Aam Aadmi Student’s and Youth Program)ના લોન્ચિંગ કાર્યક્રમમાં ઉપસ્થિત રહ્યા હતા. આ કાર્યક્રમમાં અઇટઙ, ભાજપ અને કોંગ્રેસના કાર્યકરો મોટી સંખ્યામાં અઅઙમાં જોડાયા હતા.
- Advertisement -
ઈસુદાન ગઢવીએ જણાવ્યું હતું કે, અઅઙનું નવું સંગઠન અજઅઙ ગુજરાતની તમામ કોલેજો, યુનિવર્સિટીઓ અને શાળાઓમાં વિદ્યાર્થીઓનો અવાજ બનશે. તેમણે કહ્યું કે અઅઙનો ઉદ્દેશ્ય આગામી સમયમાં એક લાખ યુવાનોને રાજકારણમાં જોડવાનો છે. આ યુવાનો સ્થાનિક સ્વરાજ્યની ચૂંટણીઓ લડશે અને પોતાના વિસ્તારમાં થતા અન્યાય સામે અવાજ ઉઠાવશે. ગઢવીએ કહ્યું કે, અત્યાર સુધી ભાજપ અને કોંગ્રેસમાં માત્ર સગાં-સંબંધીઓને જ ટિકિટ મળતી હતી, પરંતુ અઅઙ યુવાનોને તક આપીને રાજનીતિમાં સ્વચ્છતા લાવવા માંગે છે.
ગઢવીએ દેશના રાજકારણીઓ પર પ્રહાર કરતા કહ્યું કે, આપણા દેશમાં લોકોને રાજનીતિથી દૂર રાખવામાં આવે છે. તેમણે કહ્યું કે, “વર્ષોથી આપણે એટલા માટે ગુલામ રહ્યા છીએ કારણ કે આપણને રાજનીતિમાં એન્ટ્રી આપવામાં આવી નથી.” તેમણે યુવાનોને આહ્વાન કર્યું કે, “સરકારી નોકરીઓમાં કંઈ જ નથી રાખ્યું, પરંતુ સરકારી વ્યવસ્થા કેવી રીતે કામ કરે છે એ આપણે જાણવું પડશે.” તેમણે ભારપૂર્વક જણાવ્યું કે, ’ઘરે ઘરે ઈસુદાન ગઢવી તૈયાર થવા જોઈએ’ અને યુવાનોએ રાજનીતિમાં આવીને દેશ માટે કામ કરવું જોઈએ. આ કાર્યક્રમમાં અઇટઙ, ભાજપ અને કોંગ્રેસમાંથી મોટી સંખ્યામાં કાર્યકરો અઅઙમાં જોડાયા હતા. અઇટઙમાંથી તક્ષ ડોબરિયા, વાસુ કોરાટ, નીર વિરાણી સહિતના કાર્યકરો જ્યારે કોંગ્રેસમાંથી જિલ્લા પ્રવક્તા વિક્રમભાઈ ઠાકર અને ભાજપમાંથી શહેર પ્રમુખ દિવ્યાબેન દવે સહિતના આગેવાનોએ અઅઙનો ખેસ ધારણ કર્યો હતો.
