આ વર્ષે જાન્યુઆરી દરમિયાન, સમગ્ર વિશ્વમાં દર સેકન્ડે અંદાજે 4 બાળકોનો જન્મ થશે, જ્યારે 2 લોકો મૃત્યુ પામશે
નવાં વર્ષનાં દિવસે, 1 જાન્યુઆરીએ, વિશ્વની વસ્તી 8.09 અબજ સુધી પહોંચી છે. વર્ષ 2024માં વિશ્વની વસ્તીમાં 7.1 કરોડનો વધારો થયો છે. જેમાં ભારતની વસ્તીમાં 1.29 કરોડનો વધારો થવાનો અંદાજ છે. અમેરિકન જનગણના બ્યુરોએ આ આંકડા જાહેર કર્યા છે. અહેવાલ મુજબ, 1 જાન્યુઆરી, 2025 ના રોજ અંદાજિત વિશ્વની વસ્તી 8092043592 છે. આ 2024 કરતાં 71178087 વધુ છે. બ્યુરોના જણાવ્યાં અનુસાર, આ વર્ષે જાન્યુઆરી દરમિયાન, સમગ્ર વિશ્વમાં દર સેકન્ડે અંદાજે 4.2 બાળકોનો જન્મ થશે, જ્યારે 2 લોકો મૃત્યુ પામશે.
- Advertisement -
આ વર્ષે વિશ્વમાં સૌથી વધુ બાળકોનો જન્મ ભારતમાં સંયુક્ત રાષ્ટ્રનાં નવાં વસ્તી અંદાજ મુજબ, ભારતની કુલ વસ્તી હાલમાં 1.451 અબજ છે. જેમાં 2025માં ભારતમાં સૌથી વધુ બાળકોનો જન્મ થશે. આનો અર્થ એ થયો કે વિશ્વમાં 132 મિલિયન નવાં જન્મોમાંથી 17.4 ટકા ભારતમાં થશે. 1975 થી ભારત આ મામલે પ્રથમ સ્થાને છે. કુલ મૃત્યુમાં ભારતનો હિસ્સો પણ વધુ છે, રિપોર્ટ અનુસાર, 2025 થી 2087 સુધીમાં વૈશ્વિક મૃત્યુમાં ભારતનો હિસ્સો વધવાની સંભાવના છે. 1980 અને 2017 વચ્ચે વૈશ્વિક મૃત્યુમાં ભારતનો હિસ્સો લગભગ દર વર્ષે ઘટી રહ્યો હતો. વૈશ્વિક મૃત્યુમાં ભારતનાં હિસ્સામાં વધારો મુખ્યત્વે વસ્તીનાં વૃદ્ધત્વને કારણે છે.
25 વર્ષમાં વૃદ્ધોની વસ્તીમાં વધારો
રિપોર્ટ અનુસાર, 2000 થી 2025 સુધીમાં, સગીર લોકોનો હિસ્સો 41.9 ટકા થી ઘટીને 29.4 ટકા થશે. 1950-1975 થી 2075-2100 સુધીનાં 25 વર્ષનાં સમયગાળામાં આ સૌથી મોટો ઘટાડો હશે. 18 થી 59 વયની વસ્તીનો હિસ્સો 2000ના સ્તરથી 8.2 ટકા વધીને 2025 સુધીમાં 59.5 ટકા થશે, જે આગામી 25 વર્ષમાં 2100 સુધીમાં જૂથનો સૌથી મોટો હિસ્સો હશે. છેલ્લાં 25 વર્ષોમાં વરિષ્ઠ નાગરિકોનું પ્રમાણ પણ પહેલાં કરતાં ખૂબ ઝડપથી વધ્યું છે.
ભારતમાં વય મુજબ વસ્તીની ટકાવારી
વર્ષ 18 થી ઓછી વય 18-59 60 થી વધુ
2000 41.9 51.4 6.8
2025 29.4 59.5 11.1
2050 21.6 57.8 20.6
- Advertisement -
