યૂક્રેન-રશિયા વિવાદની ભારત પર શું પડી શકે છે અસર ?

યુક્રેન અને રશિયા વચ્ચે છેલ્લા કેટલાક સમયથી વિવાદ ચાલી રહ્યો છે. આની અસર ભારત પર પણ થવાની ધારણા છે. આ વિવાદની અસર દેશમાં કાચા તેલની કિંમતો પર પડી શકે છે.

યુક્રેન અને રશિયા વચ્ચે છેલ્લા કેટલાક સમયથી વિવાદ ચાલી રહ્યો છે. આ બંને દેશો વચ્ચેનો વિવાદ ઘણો જૂનો છે. આ વિવાદ ત્યારથી શરુ થયો જયારે યુક્રેન સોવિયતથી અલગ થયું હતું. તે પહેલા વર્ષ 1949 થી પશ્ચિમી દેશો એટલે કે અમેરિકા, બ્રિટન, કેનેડા અને રશિયામાં વિવાદ જોવા મળી રહ્યો છે. 1949 માં, નાટોની સ્થાપના કરવામાં આવી હતી. નાટો એક બિન-એટલાન્ટિક સંધિ સંસ્થા છે. વર્ષ 2014 માં, રશિયાએ યુક્રેનમાં ક્રિમિયાને જોડ્યું હતું.

એવું પહેલી વાર નથી કે જયારે રશિયાએ યુક્રેનમાં પોતાના સૈનિકો મોકલ્યા હોય. પરંતુ હાલમાં તેમની લશ્કરી પ્રવૃત્તિમાં થોડો વધારો થયો છે. અત્યારે પરિસ્થિતિ વધુ સંવેદનશીલ બની રહી છે. આજે અમેરિકી રાષ્ટ્રપતિ જો બાયડેને પણ કહ્યું કે તેઓ રશિયા પર સીધો હુમલો નહીં કરે. તેમણે પ્રતિબંધોની વાત કરી છે.

આ પ્રતિબંધોમાં, આંતરરાષ્ટ્રીય બેંકિંગ ચેનલ SWIFT દ્વારા રશિયા અથવા રશિયાના રાષ્ટ્રપતિ પુતિન પર કેટલાક પ્રતિબંધો લાદવામાં આવી શકે છે. આ કેટલીક મુશ્કેલીઓનું કારણ બની શકે છે. આગામી સમયમાં ચીનમાં વિન્ટર ઓલિમ્પિક્સ યોજાવા જઈ રહી છે. આ સિવાય જો અમેરિકા, યુક્રેન જેવા નાટોના દેશો રશિયાને કોઈ મોટી સૈન્ય મદદ આપે છે તો મુશ્કેલી થઈ શકે છે.

યુક્રેન અને રશિયા વચ્ચે ચાલી રહેલા વિવાદની કાચા તેલની કિંમતો પર પણ મોટી અસર પડશે. તેનું કારણ એ છે કે યુરોપિયન દેશોમાં જતો ત્રીજા ભાગનો ગેસ રશિયામાંથી જાય છે. આવી સ્થિતિમાં, જો નિયંત્રણો લાદવામાં આવે છે તો તેઓ તેનો જવાબ આપી શકે છે. ગયા વર્ષની સરખામણીમાં યુક્રેનમાં ગેસના ભાવમાં ચાર ગણો વધારો થયો છે. ત્યાં પહેલેથી જ કટોકટી ચાલી રહી છે. આવી સ્થિતિમાં જો રશિયા પર કોઈપણ પ્રકારના પ્રતિબંધો લાદવામાં આવે છે અને જો રશિયા વળતો જવાબ આપે છે, તો ક્રૂડ ઓઇલના ભાવમાં હવે આગ લાગી શકે છે.