મેષ (અ, લ, ઇ)
આપના પ્રયત્નના મધુર ફળ ચાખી શકાય. તમારી દિનચર્યામાં સામાન્ય બદલાવ જરૂરી લાગે છે , આર્થિક રોકાણમાં સાચવવું. નવી યોજનાનું આયોજન સંભવ બને તેમ જ પડતર પ્રશ્ર્નોનું નિરાકરણ જણાય, મંગળવારે દિવસભર શારીરિક ઊર્જા સારી જણાય. નકામી વાતોમાં સમય વધારે પસાર કરવો નહિ. ગૃહસ્થ જીવનના મતભેદો દૂર થતા જણાય, યાત્રા-પ્રવાસ સાનુકૂળ નિવડે. પડતર કાર્ય પૂર્ણ થતા જણાય. દામ્પત્યજીવનમાં મધુરતા જળવાઈ રહેશે, આર્થિક પરિસ્થિતિ મજબૂત થાય.
વૃષભ (બ,વ,ઉ)
આ સપ્તાહ દરમિયાન ઉતાવળિયું પગલું ભરવું હિતાવહ નથી. કળાજગત સાથે સંકળાયેલા વ્યક્તિ માટે નવી તકનું નિર્માણ થાય, પરંતુ બોલવામાં સંયમ રાખવો જોઈએ. આર્થિક પ્રશ્નોનું નિરાકરણ આવતું જણાય સાથે જ નવા બંધો રચાય, બિનજરૂરી આર્થિક સાહસ ટાળવું હિતાવહ. નોકરીના ક્ષેત્રે કપરા ચઢાણ જણાય તથા કેટલીક અનિવાર્ય સ્થિતિ આપને બેચેન કરી શકે છે, અધિકારી સાથેના મન-દુ:ખ ટાળવા. રવિવારના દિવસે પારિવારિક સમય અતિ મધુર જણાય.
- Advertisement -
મિથુન (ક, છ, ઘ)
આ સપ્તાહે અણધાર્યા લાભની શક્યતા રહે, દામ્પત્યજીવનમાં સુગમતા જણાય, આધ્યાત્મિક કાર્યોમાં સમય વધારે પસાર થાય. પારિવારિક ટેકાના કારણે મહત્ત્વના કાર્યમાં પ્રગતિ જણાય તથા નવા આર્થિક માર્ગ જણાય, તંદુરસ્તી સચવાય. ધીરે ધીરે નાણાકીય સ્થિતિ બે પાંદડે થતી જણાય પારિવારિક મતભેદ-મનભેદ ટાળવા હિતમાં છે. નવી વસ્તુ ખરીદાય તેથી મન આનંદમાં રહે . વ્યાવસાયિક કાર્યમાં સફળતા જણાય મુશ્કેલીઓ દૂર થતી જોવા મળી શકે.
કર્ક (ડ, હ)
સ્થાવર સંપત્તિ લેવાની આશા પૂર્ણ થતી જણાય. આ માટે વાણી-સંયમ જાળવવો જરૂરી છે , ગુરૃવારે દિવસભર સ્ફુર્તિનું પ્રમાણ સારું જણાય. શનિવારે મનોકામના સાકાર કરવાની તક-મદદ મળે અને યાત્રા પ્રવાસ સંભવ બને, નવસર્જનના વિચાર આવે. અગત્યની યોજનાઓનો અમલ થતો જણાય તથા પારિવારિક સમય ઉત્તમ જણાય, નવા કાર્યનો શુભારંભ સંભવ. સકારાત્મક અભિગમ રાખવી સાથે જ સાવધાનીથી આર્થિક વ્યવહાર કરવો, સામાજિક કાર્યોમાં સાનુકૂળ તક જણાય છે.
સિંહ (મ, ટ)
જમીન સંબંધી કાર્યમાં સાનુકૂળતા જણાય, માનસિક ચિંતા દૂર થતી જણાય. અંગત સંબંધોમાં સમર્પણની ભાવના રાખવી અને નાણાકીય નવો માર્ગ જણાય, યાત્રા-પ્રવાસ સાનુકૂળ રહે. હોસ્પિટલમાં દાખલ થયેલા સ્વજનો ના સારા સમાચાર મળે. વેપારના પ્રોબ્લેમનું નિરાકરણ થતું જાય, દાંપત્ય જીવનનું મધુર ફળ ચાખવા મળે, વર્તમાનમાં જીવવાનો પ્રયત્ન કરવો. આર્થિક કાર્યોમાં ધીરજથી આગળ વધવું, મધ્યાહન બાદ કોઈ સારા સમાચારની પ્રાપ્તિ સંભવ, કૌટુંબિક સુખ ઉત્તમ છે.
- Advertisement -
કન્યા (પ, ઠ, ણ)
આપની વહાદારીનું ઉત્તમ ફળ ચાખવા મળે સાથે વિચાર સકારાત્મક રાખવા હિતાવહ, આર્થિક ઉતાર ચઢાવસંભવ, કાર્ય ફળ ધર્યા કરતા ઓછું મળતું જણાય તથા મનભેદ મતભેદ ટાળવા, પ્રિયજન સાથે ગાળેલો સમય યાદગાર બની રહેશે. પરિવારજનો સાથે કોઈ પ્રવાસ યાત્રાએ જવાનો પ્લાન બની શકે અને કળથી કામ લેવું, વેપાર ક્ષેત્રે નવા રોકાણ સંભવ. ગૃહજીવનમાં સંવાદિતા જણાય, સાંજના કામમાં સાનુકુળતા જણાય.
તુલા (ર, ત)
આ સપ્તાહે અવિચારી નિર્ણય તમારા માટે કેટલીક મુશ્કેલી સર્જી શકે છે, જોકે પારિવારિક વાતાવરણ ઉલ્લાસમય રહેશે, ધર્મ કાર્ય સંભવ. નવા સાહસો વિચારીને કરવા, ગૃહજીવનમાં સાનુકૂળતા જણાય, મંગળવારે દિવસના અંતે સારા સમાચારની પ્રાપ્તિ સંભવ. અંગત મૂંઝવણ દૂર થતી જણાય સાથે જ આર્થિક આયોજનો મધુર ફળ આપતા જાાય, દામ્પત્યજીવનમાં ઉમંગ જળવાઈ રહેશે. ધીરજના ફળ મીઠા એ ધ્યાનમાં રાખીને આગળ વધવું હિતાવહ. પ્રવાસમાં સાનુકૂળતા જણાય.
વૃશ્ર્ચિક (ન, ય)
મંગળવારે દિવસ દરમ્યાન કામમાં વ્યસ્ત રહેવાનું બને. કેટલીક અનિવાર્ય પરિસ્થિતિ આપને બેચેન કરી શકે છે તથા યાત્રા પ્રવાસ ટાળવા હિતાવહ, બુધવારે ઋતુગત બીમારીથી સચેત રહેવું. પરદેશના કામમાં સાનુકૂળતા જણાય. ધંધામાં નવી કોઇ વાતચીત કે ઓફર આવે. શુક્રવારે ભાઇભાંડુનો સાથ-સહકાર મળે. નિર્ધારિત કાર્ય આગળ વધતાં જણાય અને પરિવારમાં ખુશીનું વાતાવરણ સર્જાય, રવિવાર સત્કાર્યમાં દિવસ પસાર થાય.
ધનુ (ભ, ધ, ઢ, ફ)
વાહનથી સંભાળીને મંગળવારે શાંતિથી દિવસ પસાર કરી લેવો. બુધવારે વાદ-વિવાદ મનદુ:ખથી સંભાળવું પડે. આર્થિક મહત્ત્વના નિર્ણય લેવાના હોય તો લઇ શકાય. રાજકીય – સરકારી કામમાં ધ્યાન રાખવું. ગુરુવારે ખોટી ઉતાવળ કરવી નહીં. કોર્ટ-કચેરીના કામ અંગે દોડધામ તથા વ્યસ્તતા રહે. સીઝનલ ધંધામાં હરિફાઇ રહે. શનિવારે આકસ્મિક ખર્ચ ખરીદીના લીધે થોડી નાણાંભીડ જણાય. પરિવાર સાથે સમય ગાળવા માટે સૌથી સારો સમય છે.
મકર (ખ, જ)
આપને કામ કરવાનો ઉત્સાહ જણાય. સીઝનલ ધંધામાં આકસ્મિક ઘરાકી આવી જાય. આ સાથે, નોકરી-ધંધાના કાર્યમાં કોઇ ને કોઇ રૂકાવટ રહે. સંયુક્ત ધંધામાં પિતા કે વડીલ સાથે મતભેદ ઊભા થાય. માટે ધીરજ રાખવી. શનિવારે નોકર-ચાકરવર્ગના સહકારથી આપના કામનો ઉકેલ લાવી શકો. ગુરુવારે પરદેશના કામમાં સરળતા જણાય. મંગળવારે શેરબજારમાં ધંધામાં સાનુકૂળતા રહે. સપ્તાહ દરમિયાન મગજ પર કાબુ રાખવાથી શાંતિથી સારું પરિણામ મળે.
કુંભ (ગ, શ, સ)
આપના વીમા કંપનીના, શેરોના કામમાં સાનુકૂળતા જણાય. હર્ષ-લાભ રહે. આપના કામ અંગે સતત ચિંતા રહે. પરંતુ કામનો ઉકેલ આવવાથી રાહત થતી જાય. મિલન-મુલાકાતમાં સફળતા મળી રહે. થોડો માનસિક પરિતાપ-વ્યગ્રતા રહે. શનિવારે કામમાં પ્રતિકૂળતાને લીધે આપની દોડધામ-ચિંતામાં વધારો જણાય. કોર્ટ-કચેરીના કામમાં સાવધાની રાખવી. આ ઉપરાંત સંતાનના પ્રશ્ર્નમાં આપની ચિંતા કે પરેશાની ઓછી થતી જાય. નોકરી-ધંધાના કામમાં આકસ્મિક સહાયતા મળી રહે.
મીન (દ, ચ, ઝ, થ)
કૌટુંબિક પ્રશ્ર્નોનું નિરાકરણ સંભવ થાય તેમ જ અટકેલા કાર્યો પૂર્ણ થતા જણાય, આર્થિક પ્રશ્ર્નો ઉકેલાય. એક સાંધો ત્યાં તેર તૂટે તેવી પરિસ્થિતિ હળવી થતી જણાય તથા નાણાકીય વ્યય જણાય તો તરત સંભાળી લેવું, મુસાફરીમાં સાચવવું. આર્થિક અનુકૂળતાથી તમારું મન પ્રસન્ન રહેશે અને કાર્યક્ષેત્ર વિસ્તૃત થતું જણાય, દિવસ આનંદિત રીતે પસાર થાય. મહત્ત્વના કાર્યમાં સૂઝબૂઝથી આગળ વધવું સાથે આર્થિક નવી તક જણાય, ગેરસમજ મનદુ:ખ ટાળવા હિતાવહ જણાય છે.
