12 કલાકના બાળકે ખતરનાક રોગ MIS-Cને હરાવ્યો. ગુજરાતના સૌથી નાના બાળકે MIS-C રોગને મ્હાત આપી.
MIS-C રોગથી બાળકને ફેફસા, મગજ, કિડની અને હૃદય ઉપર રોગની અસર થઈ હતી
- Advertisement -
ખાસ-ખબર સંવાદદાતા
ગુજરાતના સૌથી નાના બાળકે MIS-C રોગને મ્હાત આપી છે. જન્મના 12 કલાકમાં જ બાળકને MIS-C રોગ હોવાનો કિસ્સો બન્યો હતો. અમદાવાદના વૈષ્ણવદેવી વિસ્તારમાં રહેતા પરિવારના બાળકને MIS-C રોગ થયો હતો. બાળકના માતા પ્રેગ્નેન્સીના 8 માં મહિને કોરોના સંક્રમિત થયા હતા.
નવ દિવસ સુધી બાળકની NICUમાં સઘન સારવાર આપવામાં આવી હતી. જેમાં ચાર દિવસ ઓક્સિજન આપવામાં આવ્યો હતો. સાથે જ હૃદયના પમ્પિંગ મજબૂત કરવાં માટેની દવા પણ આપી હતી. બાળકને આઇવી- આઇજી ઇન્જેક્શન અને સ્પોટીવ એન્ટીબાયોટિક દવાઓ આપી હતી. બાળકને ફેફસા, મગજ, કિડની અને હૃદય ઉપર રોગની અસર થઈ હતી.
જો કે તબીબો માટે પણ બાળકને બચાવવું પડકારરૂપ હતું. બાળકના મગજ, ફેફસા અને કિડની ઉપર અસર થતા બાળક સેમી કોમાં અવસ્થામાં પહોચ્યું હતું. તબીબોના મતે બાળકની કિડની પણ ફેઈલ થવાની તૈયારીમાં પહોંચી હતી. જો કે આટઆટલી જટિલતાઓ છતાં આખરે બાળકે MIS-Cને મ્હાત આપી છે.
