ગુજરાતના 18 IAS અધિકારીની બદલી એમ. કે. દાસ ફરી CMOમાં

ડોક્ટર જ્યંતિ રવિને મહેસૂલ વિભાગના અધિક મુખ્ય સચિવ પદે નિયુક્તિ
ખાસ-ખબર ન્યૂઝ ગાંધીનગર, તા.1

ગુજરાતના 18 IAS અધિકારીઓની બદલી કરવામાં આવી છે. જેમાં મહેસૂલ વિભાગના અધિક મુખ્યસચિવ મનોજકુમાર દાસની છે. જેમને ફરીથી મુખ્યમંત્રી કાર્યાલયમાં અધિક મુખ્યસચિવ તરીકે મૂકવામાં આવ્યા છે. તેમને રાજ્યના ગૃહ વિભાગનો પણ વધારાનો ચાર્જ આપવામાં આવ્યો છે. CMના અધિક મુખ્ય સચિવ પંકજ જોષીને પોર્ટ અને ટ્રાન્સપોર્ટ વિભાગનો વધારાનો ચાર્જ આપવામાં આવ્યો છે.

એટલે કે મુખ્યમંત્રી કાર્યાલયમાં બે અધિક મુખ્ય સચિવ ફરજ બજાવશે. ડેપ્યુટેશન પરથી પાછા આવેલા ડોક્ટર જ્યંતિ રવિને મહેસૂલ વિભાગના અધિક મુખ્ય સચિવ પદે નિયુક્તિ આપવામાં આવી છે. તેઓ ચાર્જ લે ત્યાં સુધી પી. સ્વરૂપ આ જગ્યાનો હવાલો સંભાળશે. એવી જ રીતે નટરાજનને નાણા વિભાગના અગ્ર સચિવ પદે મૂકવામાં આવ્યા છે.