દિલ્હીના દ્વારકાના રામલીલા ગ્રાઉન્ડમાં 211 ફૂટ ઉંચો વોટર પ્રૂફ રાવણ બનાવવામાં આવ્યો છે, જે વિશ્વનો સૌથી ઉંચો રાવણ હોવાનું કહેવાય છે. જુઓ વીડિયો.
- Advertisement -
નવરાત્રિ શરૂ થતાની સાથે જ લોકો દશેરાની પણ રાહ જોવા લાગે છે. ઘણા લોકો રાવણ દહન જોવા માટે દશેરાની રાહ જોઈ રહ્યા છે. આ વખતે દિલ્હીના દ્વારકાના રામલીલા ગ્રાઉન્ડમાં ઉંચો અને વિશાળ રાવણ ઉભો કરવામાં આવ્યો છે જે લોકોનું ધ્યાન ખેંચી રહ્યો છે. બાળકોથી લઈને મોટાઓ સુધી દરેક તેને જોવા માટે આવી રહ્યા છે, કારણ કે તે દિલ્હીનો જ નહીં પરંતુ વિશ્વનો સૌથી ઉંચો રાવણ હોવાનું કહેવાય છે. આયોજકે આ દાવો કર્યો છે. આ રાવણ વોટર પ્રૂફ પણ છે કારણ કે તેને મખમલના કપડામાંથી બનાવવામાં આવ્યો છે, તેમાં કોઈ કાગળનો ઉપયોગ કરવામાં આવ્યો નથી. રાવણની ઊંચાઈ 211 ફૂટ છે.
View this post on Instagramરાવણને જોવા માટે લોકોએ માથું ઊંચું કરવું પડે છે. રાવણના ચંપલ પણ બનાવવામાં આવ્યા છે જે લોકોને આકર્ષી રહ્યા છે. એટલા માટે લોકો તેની સાથે ફોટો પણ પડાવી રહ્યા છે. દ્વારકા શ્રી રામલીલા સોસાયટીના અધ્યક્ષ રાજેશ ગેહલોતે જણાવ્યું કે દર વર્ષની જેમ આ વખતે પણ રામલીલાનું આયોજન વધુ ભવ્યતા સાથે કરવામાં આવી રહ્યું છે. રાવણની ઊંચાઈ દર વર્ષે વધતી રહી છે. પહેલા રાવણની મહત્તમ ઊંચાઈ 60 થી 70 ફૂટ હતી, પછી ધીમે ધીમે તે વધતી ગઈ. આ વખતે રાવણની ઊંચાઈ 211 ફૂટ છે.
- Advertisement -
30 લાખના ખર્ચે બનાવ્યો રાવણ
પંજાબના અંબાલા પાસેના ભરારા ગામના જિતેન્દ્ર ખન્નાએ આ રાવણ બનાવ્યો છે. આ રાવણને અલગ-અલગ જગ્યાએના લગભગ 40 કલાકારોએ બનાવ્યો છે, જેમાં ચાર મહિનાનો સમય લાગ્યો છે. 2 ઓક્ટોબરના રોજ મેદાનમાં આ રાવણને ઉભો કરવામાં આવ્યો. તેમણે જણાવ્યું કે આ રાવણ બનાવવા માટે લગભગ 30 લાખ રૂપિયાનો ખર્ચ થયો છે.
રાજેશ ગેહલોતે જણાવ્યું કે, આ રાવણને લોખંડના સ્ટ્રક્ચરથી બનાવવામાં આવ્યો છે. જમીનની નીચે દસ ફૂટ લોખંડની પાઈપ લગાવવામાં આવી છે, જેના પર રાવણ ઉભો છે. આ ઉપરાંત લોખંડના માળખાને ચારે બાજુ લોખંડની સાંકળોથી પણ બાંધવામાં આવ્યું છે. રાવણને વાંસની મદદથી બનાવવામાં આવ્યો છે. સાથે જ આમાં મખમલનું કપડું વાપરવામાં અવાયું છે, જેથી રાવણ દેખવામાં સારો લાગે.
આ વખતના રામલીલા મંચની ખાસ વાતો
રામલીલાના મંચન માટે રામ મંદિરની તર્જ પર ભવ્ય સ્ટેજ તૈયાર કરવામાં આવ્યો છે. સાથે જ દસ હજાર લોકો બેસી શકે તેવી વ્યવસ્થા કરવામાં આવી છે. અંદાજે 30 લાખના ખર્ચે 211 ફૂટ લાંબો રાવણનું પૂતળું બનાવવામાં આવ્યું છે. સુરક્ષા વ્યવસ્થા માટે 200 સીસીટીવી કેમેરા પણ લગાવવામાં આવ્યા છે. રામલીલા માટે વડાપ્રધાન નરેન્દ્ર મોદી અને અન્ય કેબિનેટ મંત્રીઓને આમંત્રણ મોકલવામાં આવ્યું છે.
રામ મંદિરની તર્જ પર બનાવવામાં આવ્યું સ્ટેજ
અધ્યક્ષના જણાવ્યા અનુસાર, રામ મંદિરની તર્જ પર રામલીલાના મંચન માટે એક ભવ્ય સ્ટેજ તૈયાર કરવામાં આવ્યો છે, તે સંપૂર્ણપણે 3ડીમાં છે. રામલીલા માટે 400માંથી 100 કલાકારોની પસંદગી કરવામાં આવી છે, જેમને અગાઉથી તાલીમ પણ આપવામાં આવી છે. અહીં દસ હજાર લોકો બેસી શકે તેવી વ્યવસ્થા કરવામાં આવી છે. દસ હજાર વાહનોના પાર્કિંગની વ્યવસ્થા છે. સુરક્ષાના હેતુથી 200 સીસીટીવી કેમેરા પણ લગાવવામાં આવ્યા છે. અહીં સૌથી સુંદર રામલીલા જોવા મળશે. આયોજક રાજેશ ગેહલોતે જણાવ્યું કે રામલીલા માટે વડાપ્રધાન નરેન્દ્ર મોદીને આમંત્રણ આપવામાં આવ્યું છે. આ ઉપરાંત અન્ય કેબિનેટ મંત્રીઓને પણ આમંત્રણ મોકલવામાં આવ્યું છે.
