મહારાષ્ટ્રનાં તાડોબા રિઝર્વમાં જંગલ ઉપર વિશ્વનો પ્રથમ રોપ-વે બનશે

આ રોપવેનો ઉદ્દેશ્ય કુદરતી રહેઠાણને અને જંગલની શાંતિને ખલેલ પહોંચાડ્યા વિના વન્યજીવ પર્યટનને વધારવાનો છે

પ્રવાસીઓ ટૂંક સમયમાં રોપવે પરથી તાડોબા અંધેરી ટાઇગર રિઝર્વના ગાઢ જંગલોમાં જતા વાઘને જોઈ શકશે. ફ્રેન્ચ રોપવે કંપની પોમા એસએએસએ જંગલમાં ચાલતી વિશ્વની પ્રથમ રોપવે સેવા શરૂ કરવાની યોજના કરી છે. આ પ્રોજેક્ટનો ઉદ્દેશ્ય કુદરતી રહેઠાણને ખલેલ પહોંચાડ્યા વિના વન્યજીવ પર્યટનને વધારવાનો છે.

બુટીબોરીમાં પેર્નોડ રિકાર્ડની ડિસ્ટિલરીના શિલાન્યાસ સમારોહ દરમિયાન દેવેન્દ્ર ફડણવીસને કંપનીના જાહેર બાબતોના ડિરેક્ટર અને એશિયામાં વેચાણના વડા, બેન્જામિન ફૌચિયર ડેલાવિગ્ને દ્વારા ઉદ્દેશ્યનો પત્ર સોંપવામાં આવ્યો હતો. પોમા એસએએસ જે પહેલાથી જ મસૂરી, કાશ્મીર, પટની ટોપ અને દેહરાદૂનમાં રોપવે સિસ્ટમનું સંચાલન કરે છે, તે તાડોબા પ્રોજેક્ટને એક અત્યાધુનિક રોપવે તરીકે કલ્પના કરે છે જેમાં  જંગલમાં દરેક ખૂણે આ રોપવે પસાર થશે જે મુલાકાતીઓને, એક સરળ અને પર્યાવરણને અનુકૂળ અનુભવ પ્રદાન કરશે.

ડેલાવિગ્ને જણાવ્યું હતું કે, “જંગલની શાંતિને ખલેલ પહોંચાડ્યા વિના અને પ્રદુષણ ન ફેલાવે તે રીતે રોપવેને ડિઝાઇન કરવામાં આવશે.  ફડણવીસે જણાવ્યું હતું કે સરકાર પોમાના ઉદ્દેશ્યના પત્રનો અભ્યાસ કરશે અને સમજૂતીના મેમોરેન્ડમ પર હસ્તાક્ષર કરતાં પહેલાં તેની ટકાઉતા માટેની દરખાસ્તનો અભ્યાસ કરવા માટે વન અને પ્રવાસન વિભાગોને સામેલ કરશે. ફડણવીસે કહ્યું કે “અમે અન્વેષણ કરીશું કે પ્રોજેક્ટને ટકાઉ કેવી રીતે બનાવવો અને તે તમામ નિયમોમાં કેવી રીતે બંધબેસે છે. અમે પ્રક્રિયાને ઝડપી બનાવવાની યોજના બનાવી રહ્યા છીએ.