માંગરોળમાં યુવાનની હત્યા કરનાર પાંચને પોલીસે ઝડપી લીધા

ખાસ-ખબર સંવાદદાતા
માંગરોળના બસ સ્ટેન્ડ નજીક આજે સાંજે સાગર દેવસી પરમાર નામના દેવીપૂજક યુવાનની ડિસમીસના ઘા ઝીંકી હત્યા થઇ હતી. આ અંગે જાણ થતાં ડીવાયએસપી સહિતનો સ્ટાફ ત્યાં પહોંચ્યો હતો. અને મૃતદેહને 108માં સિવિલ હોસ્પિટલમાં ખસેડયો હતો. યુવાનની યુવતીને ભગાડી જવાના મનદુ:ખના કારણે હત્યા કરવામાં આવી હતી. અજય પરમારના કાકાનો દિકરો યુવતીને ભગાડી ગયો હતો અને તે મુદે તેને ઠપકો આપવા ગયા હતાં.ત્યારે અજય લવજી પરમાર, રામેશ ઉર્ફે રમલો ઉર્ફે રીમલો સવજી પરમાર, વિરમ લવજી પરમાર, ધીરૂ સવજી પરમાર, લવજી પ્રમેજી પરમારે માથાકુટ થઇ હતી અને બાધાએ સાગરને પકડી રાખ્યો હતો અને રમેશ પરમારે છાતીમાં ડીસમીસનો ઘા માર્યો હતો. જેમાં સાગરનું મોત થયું હતું. આ અંગે સાયર દેવસી પરમારે ફરિયાદ નોંધાવી છે. તેમજ પોલીસને ગણતરીનો કલાકોમાં હત્યા કરનાર પાંચ શખ્સને ઝડપી લીધા હતાં.