ભારતીય શેર બજારે હૉંગકૉંગને મૂક્યું પાછળ, ચોથા સ્થાને પહોંચ્યું સ્ટોક માર્કેટ

ભારતીય શેરબજાર વિશ્વનું ચોથું સૌથી મોટું શેરબજાર બની ગયું, બોમ્બે સ્ટોક એક્સચેન્જ એટલે કે BSE પર લિસ્ટેડ કંપનીઓનું કુલ માર્કેટ કેપ પ્રથમ વખત રૂ. 432 લાખ કરોડને પાર

14 જૂને શેરબજારમાં વધુ એક રેકોર્ડ બન્યો હતો. બોમ્બે સ્ટોક એક્સચેન્જ એટલે કે BSE પર લિસ્ટેડ કંપનીઓનું કુલ માર્કેટ કેપ પ્રથમ વખત રૂ. 432 લાખ કરોડને પાર કરી ગયું છે. આ દૃષ્ટિએ ભારતીય શેરબજાર વિશ્વનું ચોથું સૌથી મોટું શેરબજાર બની ગયું છે. ભારતે હોંગકોંગના બજારોને પાછળ છોડી દીધા છે. હવે ભારત માત્ર અમેરિકા, ચીન અને જાપાનના બજારોથી પાછળ છે.

BSE-લિસ્ટેડ તમામ કંપનીઓનું કુલ માર્કેટ કેપ હવે હોંગકોંગ કરતાં વધુ છે. આ સાથે તે ફરીથી વૈશ્વિક સ્તરે ચોથું સૌથી મોટું ઇક્વિટી માર્કેટ બની ગયું છે. બ્લૂમબર્ગના ડેટા અનુસાર BSEનો ઓલ-લિસ્ટેડ એમકેપ હાલમાં $5.18 ટ્રિલિયન છે, જેની સરખામણીએ હોંગકોંગના $5.17 ટ્રિલિયન છે. સ્ટોક માર્કેટના MCAP ફરી હોંગકોંગથી ભારતીય સ્ટોક માર્કેટ આગળ નીકળી ગયું અને હાલ વિશ્વમાં ચોથા ક્રમે છે.

ભારતીય શેરબજારમાં BSE પર લિસ્ટેડ કંપનીઓનું કુલ માર્કેટ કેપ પ્રથમ વખત રૂ. 432 લાખ કરોડને પાર કરી ગયું છે. એટલે કે તે 5.20 ટ્રિલિયન ડોલરને પાર કરી ગયો છે. આ સંદર્ભમાં, ભારતીય બજારે હોંગકોંગના બજારને પાછળ છોડી દીધું છે, જેની કુલ માર્કેટ કેપ $5.17 ટ્રિલિયનની નજીક છે. આ સંદર્ભમાં ભારતે માર્કેટ કેપના સંદર્ભમાં હોંગકોંગને પાછળ છોડી દીધું છે. આ યાદીમાં અમેરિકન શેરબજાર 56.49 ટ્રિલિયન ડોલર સાથે ટોચ પર છે.

નોંધનિય છે કે, અમેરિકા 56.49 ટ્રિલિયન ડોલરના એમકેપ સાથે વિશ્વનું સૌથી મોટું બજાર છે, ચીન 8.84 ટ્રિલિયન ડોલરના એમકેપ સાથે બીજા સ્થાને છે. જાપાન 6.30 ટ્રિલિયન ડોલર સાથે ત્રીજા સ્થાને છે. આ વર્ષે 23 જાન્યુઆરીએ ભારતીય બજારોએ હોંગકોંગને પાછળ છોડી દીધું હતું. પરંતુ બાદમાં હોંગકોંગના હેંગસેંગ ઇન્ડેક્સમાં 12 ટકાથી વધુનો વધારો થયો ત્યારબાદ તે ફરીથી ચોથા સ્થાને આવી ગયો. તે જાન્યુઆરીથી લગભગ 20 ટકાના વધારા સાથે બુલ માર્કેટમાં પ્રવેશ્યું છે.

શેરબજાર પર ચૂંટણી પરિણામોની અસર ?

ચૂંટણી પરિણામો બાદ ભારતીય શેરબજારમાં ભારે ઉતાર-ચઢાવ જોવા મળ્યો છે. 4 જૂને બજાર 6 ટકાથી વધુ તૂટ્યું હતું, પરંતુ ત્યારથી તે સતત વધીને રેકોર્ડ હાઈએ પહોંચ્યું છે. BSE પર લિસ્ટેડ તમામ કંપનીઓની કુલ માર્કેટ મૂડી રૂ. 32 લાખ કરોડથી વધુ વધીને રૂ. 432 લાખ કરોડની નવી ટોચે પહોંચી છે. ભારતમાં NDA સરકાર છે જેને 300 સાંસદોનું સમર્થન છે. પરંતુ આ કોઈ એક પક્ષની બહુમતી નથી. 2014 પહેલાના 25 વર્ષના ગઠબંધન શાસન પછી ભાજપ અને વડા પ્રધાન મોદીની લઘુમતી સરકાર ચલાવવાની ક્ષમતાની કસોટી થશે.