યુરોપિયન સંઘ ભારતીય અને ચાઇનીઝ કંપનીઓ પર પ્રતિબંધ મૂકવાની તૈયારીમાં, રશિયાની મદદ કરી રહ્યાનો લગાવ્યો આરોપ

યૂરોપીય સંઘ ભારતીય- ચાઇનીઝ સહિત કેટલાક બીજા દેશની કંપનીઓ પર પ્રતિબંધ લગાવવાની તૈયારી કરી રહ્યું છે. યૂરોપીય સંઘનો આરોપ છે કે, કંપનીઓ યુક્રેન સામેના યુદ્ધમાં રશિયાની મદદ કરી રહ્યુ છે. યૂરોપીય સંઘે આ કંપનીઓ પર પ્રતિબંધનો પ્રસ્તાવ મૂક્યો છે અને જો આ પ્રસ્તાવ બધા સભ્ય માન્ય રાખે છે તો આ પહેલીવાર હશે કે, જયારે ચીનની કંપની પર યૂરોપીય સંઘ સીધો પ્રતિબંધ લગાવશે.

યૂરોપીય કંપનીઓ સાથે પ્રતિબંધિત કેપનીઓ વેપાર નહીં કરે શકે
મીડિયા રિપોર્ટસ અનુસાર, યૂરોપીય સંઘ જે કંપનીઓ પર પ્રતિબંધની તૈયારી કરી રહ્યા છે, જેમાં હોંગકોંગ, સર્બિયા, ભારત, તુર્કિ અને ચીનની કંપનીઓ સામેલ છે. જો કે, કાનુની કારણોથી કંપનીઓના નામનો ખુલાસો કર્યો નથી. કંપનીઓ પર પ્રતિબંધનો અર્થ છે કે, જે કંપનીઓ પર પ્રતિબંધ લાગશે, તેઓ ભવિષ્યમાં યૂરોપની કંપનીઓની સાથે વેપાર નહીં કરી શકે. યૂરોપીય સંઘે આરોપ લગાવ્યો કે, રશિયા આ થર્ડ પાર્ટી કંપનીઓની મદદથી પ્રતિબંધિત સામાનની ખરીદી કરી રહ્યુ છે, જે પ્રતિબંધિત જગ્યાએથી સીધો મળી રહ્યું નથી.

ચીની કંપનીઓ પર પ્રતિબંધ લગાવવા માટે યૂરોપીય સંઘ મુંઝવણમાં
યૂરોપીય સંઘના યુક્રેનના સામેના યુદ્ધમાં રશિયાની મદદથી આરોપમાં પહેલા પણ કેટલીય ચીની કંપનીઓ પર પ્રતિબંધનો પ્રસ્તાવ રાખ્યો હતો, પરંતુ આ પ્રસ્તાવ કેટલાય સભ્ય દેશોના વિરોધ પછી નકારી કાઢવામાં આવ્યો હતો. સાથે જ ચીને દાવો કર્યો હતો કે, તેઓ રશિયાની મદદ નહીં કરે. જણાવી દઇએ કે, ચીન અને યૂરોપના કેટલાય દેશોનો આ મહત્વનો વ્યાપારિક ભાગીદાર છે. યૂરોપીય સંઘના પ્રમુખ દેશ જર્મનીની કારો માટે ચીન સૌથી મોટું બજાર છે. જેનું કારણ છે કે, કેટલાય દેશ ચીનની કંપનીઓ પર પ્રતિબંધ લગાવવા માટે મુંઝવણમાં છે.

જે કંપનીઓ પર પ્રતિબંધ લગાવવાની તૈયારી છે, તેમાં વધારે કંપનીઓ ટેકનિકલ અને ઇલેકટ્રિકલ કંપનીઓ છે. કંપનીઓ પર આરોપ છે કે, તેમણે રશિયાના સૈનિકો અને ટેકનિકલ રીતે મજબૂત થવામાં મદદ કરી અને રશિયાના રક્ષા અને સુરક્ષા સેક્ટરના વિકાસમાં યોગદાન આપ્યું છે.

યૂરોપીય સંઘ જે કંપનીઓ પર પ્રતિબંધની તૈયારી કરી રહી છે, તેમાં ત્રણ કંપનીઓ ચીન, એક ભારતીય, એક શ્રીલંકા, કઝાકિસ્તાન, થાઇલેન્ડ, હોંગકોંગ અને તુર્કિ જેવી કંપનીઓ સામેલ છે.