આવતીકાલના સાંજે પ્રદેશ ભાજપ ઘ્વારા રાજકોટ મહાનગરના અપેક્ષીત શ્રેણીના કાર્યકર્તાઓ માટે ઈ-ચિંતન અભ્યાસ વર્ગ યોજાશે: કમલેશ મિરાણી

આવતીકાલે તા.૧૬/૭ના શુક્રવારે સાંજે ૭ઃ૦૦ કલાકે પ્રદેશ ભાજપ ઘ્વારા રાજકોટ મહાનગરના અપેક્ષીત શ્રેણીના કાર્યકર્તાઓ માટે ઈ ચિંતન અભ્યાસ વર્ગ યોજાશે : કમલેશ મિરાણી

પ્રદેશ ભાજપ અગ્રણી અમોહભાઈ શાહ રાષ્ટ્રીય સુરક્ષા (આંતરીક અને બાહય) વિષય પર વિસ્તૃત માર્ગદર્શન પુરૂ પાડશે

શહેર ભાજપ પ્રમુખ કમલેશ મિરાણી, મહામંત્રી જીતુ કોઠારી, કિશોર રાઠોડ, નરેન્દ્રસિંહ ઠાકુરની એક સંયુકત અખબારી યાદીમાં જણાવાયું છે કે ભારતીય જનતા પાર્ટી એ એક રાષ્ટ્રવાદની વિચારધારા સાથે વણાયેલી પાર્ટી છે ત્યારે જનસંઘ થી લઈ વર્તમાન ભારતીય જનતા પાર્ટી સુધી અનેક પાર્ટીના ત્યાગી, તપસ્વી, પ્રતાપી અને પરાક્રમી પૂર્વજોએ અનેક આંદોલન અને અવિરત સંઘર્ષ કરી પોતાની જાતને ગુજરાત અને દેશ માટે સમર્પિત કરી છે ત્યારે અટલબીહારી બાજપાઈજી જેવા અનેક મહાનુભાવો ધ્વારા અગીયાર સભ્યોથી સ્થપાયેલી ભારતીય જનતા પાર્ટી આજે નરેન્દ્રભાઈ મોદી, અમીતભાઈ શાહ અને જે.પી. નડ઼ાજીના નેતૃત્વમાં ૧૭ કરોડ સભ્યો સાથે વિશ્વની સૌથી મોટી રાજકીય પાર્ટી બની છે ત્યારે ભારતીય જનતા પાર્ટીના પ્રત્યેક કાર્યકર્તામાં પાર્ટી માટે આપેલા બલિદાનોના પૂર્વજોના સંસ્કારોનું સિંચન થાય તેવા હેતુથી રાજયના મુખ્યમંત્રી વિજયભાઈ રૂપાણી તથા પ્રદેશ અધ્યક્ષ સી.આર. પાટીલના માર્ગદર્શન હેઠળ પ્રદેશ ભાજપની યોજના અનુસાર સમગ્ર ગુજરાતભરમાં ઈચિંતન અભ્યાસવર્ગ નું આયોજન કરવામાં આવેલ છે.

જેમાં તા.૨૫ જૂન દર શુક્રવારથી પ્રદેશ ભાજપ ધ્વારા રાજકોટ મહાનગરના ઈચિંતન અભ્યાસવર્ગનો પ્રારંભ થયેલ છે ત્યારે આવતીકાલે તા. ૧૬ જુલાઈ- શુક્રવારે સાંજે ૭:૦૦ થી ૮:૩૦ કલાક અને ત્યારબાદ ૨૩ જુલાઈ અને ૩૦ જુલાઈ એટલે કે દર શુક્રવારે સાંજે ૦૭:૦૦ થી ૦૮:૩૦ કલાક દરમ્યાન આ અભ્યાસવર્ગ યોજાશે, જેમાં જુદા-જુદા વિષયોનો સમાવેશ કરવામાં આવેલ છે અને આ જુદાજુદા વિષયો ઉપર પ્રદેશ ભાજપ ઘ્વારા જુદા જુદા વકતાઓ ધ્વારા વકતવ્ય આપવામાં આવશે, તે અંતર્ગત આવતીકાલે પ્રદેશ ભાજપ ઘ્વારા રાજકોટ મહાનગરનો ઈચિંતન અભ્યાસ વર્ગ શહેર ભાજપ પ્રમુખ કમલેશ મિરાણીના માર્ગદર્શન હેઠળ તા.૧૬ના શુક્રવારના રોજ સાંજે ૭:૦૦ થી ૮:૩૦ કલાક સુધી ઈ-ચિંતન વર્ચ્યુઅલ અભ્યાસવર્ગ યોજાશે, જેમાં શહેર ભાજપના વિવિધ શ્રેણીના ૪૦૦ જેટલા અપેક્ષીત શ્રેણીના કાર્યકર્તાઓ વર્ચ્યુઅલ માધ્યમથી જોડાશે, આ ઈ-ચિંતન વર્ચ્યુઅલ અભ્યાસવર્ગમાં પ્રદેશ ભાજપ અગ્રણી અમોહભાઈ શાહ વર્ચ્યુઅલ માધ્યમ ઘ્વારા ઉપસ્થિત રહી રાષ્ટ્રીય સુરક્ષા (આંતરીક અને બાહય) વિષય પર માર્ગદર્શન આપશે.