જનસંઘના અગ્રણીનો કમિશનરને પત્ર: શહેરીજનોની યાતનાઓ અને તંત્રની ઉદાસીનતા
ખાસ-ખબર ન્યૂઝ જૂનાગઢ, તા.26
જૂનાગઢ મહાનગરપાલિકામાં નવા નિયુક્ત થયેલા કમિશનર તેજશ પરમારને એક પત્ર લખીને શહેરમાં ચાલી રહેલા વિકાસ કાર્યોની ધીમી ગતિ અને કોર્પોરેટર, કોન્ટ્રાક્ટરો તથા અધિકારીઓ વચ્ચેના સંકલનના અભાવ અંગે ગંભીર ચિંતા વ્યક્ત કરવામાં આવી છે. આ પત્રમાં શહેરમાં વિકાસના કાર્યોને વેગ આપવા અને પ્રવર્તમાન સમસ્યાઓનું નિરાકરણ લાવવા માટે તાત્કાલિક પગલાં ભરવા વિનંતી કરવામાં આવી છે.
- Advertisement -
જનસંઘના અશ્વિનભાઈ મણિયાર દ્વારા કમિશનરને આપ જૂનાગઢ શહેરમાં તાજેતરમાં નીમણુંક પામ્યા છો તે બદલ અભિનંદન. પરંતુ જૂનાગઢ શહેરની ભૌગોલિક પરિસ્થિતિ, કામની પદ્ધતિ તેમજ છીછરા રાજકારણ જૂનાગઢ પ્રજાને અનેકવિધ યાતનાઓમાં ધકેલી દીધેલ છે. પત્રમાં સ્પષ્ટપણે જણાવવામાં આવ્યું છે કે જૂનાગઢ શહેરના નવા ચૂંટાયેલા કોર્પોરેટરો કે જેઓ નીતિમત્તામાં માને છે, તેઓ અવ્યવહારુ મનાય છે. આ વાક્ય કોર્પોરેટરોની કાર્યશૈલી પર સીધો પ્રહાર કરે છે. તેઓ પ્રજાના કામો માટે કટિબદ્ધ હોવા છતાં, તેમનું પ્રભુત્વ અને અસરકારકતા ઓછી હોવાનું અનુભવાઈ રહ્યું છે. પત્રમાં કહેવાયું છે કે, પોતાનું કામ પ્રભુનું કામ કરવું તેવું માની આપી આપીને ચૂંટાઈ રહ્યા છે. આનાથી સૂચવાય છે કે કોર્પોરેટરો પોતાના સ્તરે શ્રેષ્ઠ પ્રયાસો કરી રહ્યા છે, પરંતુ તેમને યોગ્ય સહકાર અને વાતાવરણ મળી રહ્યું નથી.
પત્રમાં સૌથી મોટી સમસ્યા તરીકે જૂનાગઢની પ્રજા તેમને પડતી હાલકી માટે કોર્પોરેશને રજૂઆત કરે છે. કોર્પોરેટરો ડિપાર્ટમેન્ટને રજૂઆત કરે છે પરંતુ આ હાલકી બધા બનેલા કોર્પોરેશનના અમુક અધિકારીઓ તેમ માને છે કે કોર્પોરેટરો ભલે બોલ્યા કરે અમે અમારી મનમાની જ કરશું. આ દર્શાવે છે કે અધિકારીઓ કોર્પોરેટરોની રજૂઆતોને ગંભીરતાથી લેતા નથી, જેના કારણે પ્રજાના કાર્યો અટકી પડે છે. વધુમાં, કોન્ટ્રાક્ટરોની મનમાની અને અયોગ્ય કામગીરી પણ એક મોટો મુદ્દો છે. પત્રમાં કહેવાયું છે કે, અને જો કોઈ કોન્ટ્રાક્ટર જો કોઈ કોર્પોરેટરનું કામ કરશે તો ડોકાઈને પણ કરશે નહીં. આ લડાઈમાં જૂનાગઢની પ્રજા ભીંસાઈ રહી છે. આનાથી સ્પષ્ટ થાય છે કે કોર્પોરેટરો અને કોન્ટ્રાક્ટરો વચ્ચે સંવાદ અને સહકારનો અભાવ છે. કોન્ટ્રાક્ટરો કોર્પોરેટરોના નિર્દેશોને અવગણી રહ્યા છે, જેના પરિણામે શહેરીજનોને હાલાકી ભોગવવી પડે છે. પત્રમાં ભ્રષ્ટાચાર અંગે પણ આંગળી ચીંધવામાં આવી છે. સામાન્ય બે-ત્રણ દાખલા આપું તો જૂનાગઢમાં ટ્રાફિક પોઈન્ટ કોર્પોરેશનના જે.સી.બી.એ. તોડી નાખેલ. અને તે એક જ દિવસમાં આપના દ્વારા ઊભું કરવામાં આવેલ છે. પરંતુ તેના ઉપર પ્લાસ્ટર કામ કે કલરકામ કરેલ નથી. આ દર્શાવે છે કે કામોમાં પારદર્શિતાનો અભાવ છે અને ભંડોળનો યોગ્ય રીતે ઉપયોગ થતો નથી.
અધૂરાં કાર્યો અને બેદરકારીના ઉદાહરણો
શહેરમાં ગેરકાયદેસર દબાણોના કારણે ગટર વ્યવસ્થા ખોરવાઈ ગઈ છે અને ગંદુ પાણી જાહેર રસ્તાઓ પર ફેલાય છે. જયારે ગેરકાયદેસર બાંધકામ કે દબાણનો પ્રયાસ થઈ રહ્યો હોવાનું સૂચવાય છે પણ કોર્પોરેશન દ્વારા કોઈ કાર્યવાહી કરવામાં આવતી નથી. તેમજ ભૂગર્ભ ગટરનું અધૂરું કામ હોવાને લીધે રસ્તાઓ બિસમાર બન્યા છે જેના લીધે લોકો ખાડાની યાતના ભોગવી રહ્યા છે અને આ વિસ્તારોમાં ચોમાસા દરમિયાન પરિસ્થિતિ વધુ ગંભીર બને છે.જર્જરિત રોડ-રસ્તા અને પાણીના પ્રોબ્લેમ જોવા મળે છે. વધુ જણવ્યું કે, પ્રવર્તમાન સંકલનના અભાવ, ભ્રષ્ટાચાર અને અધૂરા કાર્યોનો ચિતાર રજૂ કરવામાં આવ્યો છે, જે શહેરના વિકાસમાં અવરોધરૂપ છે. કમિશનર દ્વારા આ મુદ્દે તાત્કાલિક ધ્યાન આપીને યોગ્ય કાર્યવાહી કરવામાં આવે તેવી શહેરીજનો આશા રાખી રહ્યા છે.
