‘તારો પતિ દારૂડિયો છે, તેનાથી તું છૂટાછેડા લઈ લે, હું પણ મારી પત્નીથી કંટાળ્યો છું’ કહીં દિવ લઈ જઈ શરીર સંબંધ બાંધ્યો
પતિથી અલગ થઈ ગયેલી મહિલાને મંગળસૂત્ર પહેરાવી, સેંથો પૂરી હોટલમાં દેહ ચૂંથ્યો : જામનગરના શખસ સામે ગુનો
ખાસ-ખબર ન્યૂઝ રાજકોટ
- Advertisement -
રાજકોટની મહિલાને લગ્નની લાલચ આપી તેના કૌટુંબિક દિયરે અવારનવાર દુષ્કર્મ આચરતાં પ્ર.નગર પોલીસ મથકમાં ગુનો નોંધાયો હતો. તારો પતિ દારૂડિયો છે, તેનાથી તું છૂટાછેડા લઈ લે, હું પણ મારી પત્નીથી કંટાળ્યો છું, આપણે બંને લગ્ન કરી લેશું કહીં અવારનવાર દેહ ચૂંથ્યો હતો.
બનાવ અંગે રાજકોટના ભગવતીપરા વિસ્તારમાં રહેતી 30 વર્ષીય યુવતીએ જામનગર રહેતાં દિલીપ ઉર્ફે દિલુ સામે પ્ર.નગર પોલીસમાં નોંધાવેલી ફરીયાદમાં જણાવ્યું હતું કે, હાલમાં તેણી માતા-પિતાના ઘરે છેલ્લા 8 માહિનાથી રહે છે લગ્ન 28/02/2016ના થયા હતાં. એકાદ વર્ષ પહેલા તેણી પતિના ઘરે રહેતી ત્યારે મારા પતિના માસીયાઈ ભાઈ આરોપી જે અવારનવાર પતિના ઘરે આવતા હતા તેણીને તેમની સાથે સારા વ્યવહાર હતા દરમ્યાન તેણીને સંતાન ન થતા હોય જેની દવા ચાલુ હોય જેથી આરોપી અને તેની પત્ની ફરીયાદીના ઘરે આવેલ ત્યારે તેઓએ કહેલ કે, જામનગરમાં સારા ડોક્ટરને ત્યાથી દવા લેશું તો સારું થઈ જાશે, તેમ કહેતા તેણી સાસુ સાથે જામનગર આરોપીના ઘરે ગઈ હતી તેણી આરોપીના ઘરે ગઈ ત્યારે આરોપીએ કહેલ કે, તારો પતિ રાજેશ દારુ પીવાની ટેવવાળો છે, તને બરોબર રાખતો નથી અને મારી પત્ની મારા મમ્મીને બરોબર રાખતી નથી, જેથી હુ પણ મારી પત્નીથી કંટાળી ગયો છુ, જેથી મારે પણ મારી પત્ની સાથે નથી રહેવુ. તેવી વાતો કરતો અને અવારનવાર તેણીને લગ્ન કરી લેવાની વાતચીત કરેલ હતી.
બાદમાં 15-09-2024 ના તેણીનો જન્મદિવસ હતો ત્યારે આરોપીએ તેણીને તેના પતિ સાથે દિવ ફરવા જવાની વાત કરી હતી હુ તથા મારી પત્ની અને તુ તથા તારો પતિ આપણે ચારેય જણા દિવ ફરવા જશુ અને તમામ ખર્ચો હુ આપી દઈશ તેમ વાત કરી ચારેય તા. 15-09-2024 ના રાજકોટથી દિવ ગયા હતા દિવ જઈને આરોપી અને તેણીના પતિ રાજેશે ડ્રિંક કરેલ હતુ, તેણીના પતિ ખુબ દારુ પીને રાત્રે હોટેલમાં સુઇ ગયા તે દરમ્યાન રાત્રીના 2 વાગ્યે આરોપી રૂમમાં આવેલ અને કહેલ કે, હવે આપણે સબંધમાં આગળ વધી જઈએ અને હું તારી સાથે લગ્ન કરવાનો જ છુ તેવી ખાત્રી આપેલ અને આપણે શારીરિક સંબંધ બાંધીએ એમ કહેતા શારીરિક સંબંધ બાંધેલ હતા બાદમાં બીજા દિવસે રાજકોટ આવેલ અને આરોપી અને તેની પત્ની જામનગર ગયા હતા. બાદમા તેણીને આરોપી સાથે અવારનવાર ફોનમાં વાતચીત થતી હતી, તેને કહેલ કે, તુ તારા મમ્મીના ઘરે રહેવા જતી રહે આપણે લગ્ન કરવાના જ છે, તુ તારા પતિથી છુટાછેડા લઈ લેજે જેથી તેણી મમ્મીના ઘરે જતી રહેલ હતી આરોપી અવારનવાર રાજકોટ આવતો અને ફોન કરી માધાપર ચોકડી ખાતે આવેલ હોટેલ ખાતે બોલાવતો અને ત્યા તેણી સાથે મીઠીમીઠી વાતો કરી આપણે લગ્ન કરી લેશું તેવી લાલચ આપી શરીર સબંધ બાંધેલ હતા. અંદાજે 20-25 વખત શરીર સબંધ બાધેલ બાદ સદરબજાર મોટી ટાંકી ચોક ખાતે આવેલ હોટેલ ખાતે 5-6 વખત શરીર સંબંધ બાંધ્યા હતા.
- Advertisement -
તા. 14-12-2024 ના આરોપીનો જન્મદિવસ હોય જેથી બન્ને દ્વારકા ફરવા ગયા અને ત્યા હોટેલમાં તેણીને મંગલસુત્ર પહેરાવી અને સેંથો પુરી કહેલ કે, હુ તને મારી પત્ની માનુ છુ, મારી પત્ની સાથે હું છુટાછેડા લઈ લઈશ, બાદ આપણે પતિ પત્નિ તરીકે સાથે રહીશુ, બાદમાં તેઓ અવારનવાર મળતા અને ફોનમાં વાતચીત કરતા હતા. આરોપીએ કહેલ કે, મારે મારી પત્ની સાથે છુટાછેડા થઈ ગયેલ છે હુ તારો સામાન જામનગર લઈ જાવ અને બાદમાં 11-05-2025 ના રોજ હુ તને તેડવા આવીશ જે બાદ આરોપી તેણીને તેડવા આવેલ નહી અને કહેલ કે, તુ એકલી જામનગર આવતી રહેજે, જેથી તે જામનગર તેના ઘરે ગયેલ તો ત્યાં તેની પત્ની, તેમના મમ્મી તથા તેના બાળકો હાજર હતા અને કહેલ કે, આપણે ભાગી જઈએ તેમ કહી તેમને જામનગરમાં 2 દિવસ હોટેલમાં રાખેલ બાદ તેના મામાની દિકરીના ઘરે 3 દિવસ જામનગર રોકાયા બાદ તેના કાકાના ઘરે 15 દિવસ રોકાયેલ બાદમાં કહેલ કે, મારે તારી સાથે લગ્ન નથી કરવા તુ તારી મમ્મીના ઘરે રાજકોટ જતી રહેજે, ત્યાંથી તેણીએ તેમના ભાઈને ફોન કરતા તે આવી ગયેલ અને રાજકોટ ખાતે લઈ આવેલ હતો. બનાવ અંગેની ફરીયાદ પરથી પ્ર. નગર પોલીસે ગુનો નોંધી આરોપીને પકડવા તજવીજ આદરી હતી.