વડાપ્રધાન મોદી ઇજિપ્તના પ્રવાસ દરમ્યાન આ મસ્જિદની મુલાકાતે જશે..: પુન: નિર્માણ માટે દાઉદી વ્હોરા સમુદાય તરફથી ભંડોળ મળ્યું હતું

નરેન્દ્ર મોદી પ્રથમ વિશ્ર્વ યુદ્ધમાં શહીદ થયેલા જવાનોને શ્રદ્ધાંજલિ આપશે : વિદેશ મંત્રાલયે જણાવ્યું કે પીએમ મોદી અલ-હકીમ મસ્જિદની પણ મુલાકાત લેશે, ખિલાફત દરમિયાન બનેલી મસ્જિદનો હજારો વર્ષનો ઈતિહાસ છે

વડાપ્રધાન નરેન્દ્ર મોદી અમેરિકામાં કાર્યક્રમો સમાપ્ત થયા પછી 24-25 જૂને ઇજિપ્તની મુલાકાત લેશે. વડાપ્રધાન મોદીની આ પ્રથમ ઈજિપ્તની મુલાકાત છે. તેઓ 1997 પછી ઇજિપ્તની મુલાકાત લેનારા પ્રથમ ભારતીય વડાપ્રધાન છે. તેમની આ મુલાકાત ઘણી ખાસ છે. પીએમ અહીં રહેતા ભારતીયોને મળશે. પ્રથમ વિશ્વ યુદ્ધમાં શહીદ થયેલા ભારતીય જવાનોને શ્રદ્ધાંજલિ આપશે. પીએમ મોદી તેમની ઈજિપ્તની મુલાકાત દરમિયાન 11મી સદીની અલ-હકીમ મસ્જિદની પણ મુલાકાત લેશે. આ મસ્જિદ 1980માં વોહરા મુસ્લિમ સમુદાય દ્વારા ફરીથી બનાવવામાં આવી હતી.

ઇજિપ્તનો હજારો વર્ષનો ઇતિહાસ છે અને તે ખાસ કરીને ઇસ્લામિક સ્મારકોની વિવિધતા માટે જાણીતા છે. ઈ.સ. 641માં મુસ્લિમ સમુદાયના લોકો અહીં આવ્યા ત્યારે અહીં ઈસ્લામિક સ્મારકોનું નિર્માણ શરૂ થયું હતું. અલ-હકીમ મસ્જિદનું બાંધકામ ફાતિમી ખલિફાઓના સમયગાળા દરમિયાન 990 એડીમાં અલ-અદજીઝ બી-અલ્લાહ દ્વારા શરૂ કરવામાં આવ્યું હતું. જો કે, મસ્જિદનું નિર્માણ કાર્ય પૂર્ણ થાય તે પહેલા જ તેમનું મૃત્યુ થયું હતું.

બાદમાં તેમના પુત્ર અલ-હકીમે 1013 એડીમાં મસ્જિદનું બાંધકામ પૂર્ણ કર્યું. અલ-હકીમ ઇજિપ્તમાં ત્રીજા ફાતિમી ખલીફા હતા. બદ્ર અલ-દિન અલ-જમાલીના સમયગાળા દરમિયાન આ મસ્જિદની ડિઝાઇનમાં વધુ ફેરફારો થયા હતા અને 1078 એડીમાં મસ્જિદનો વિકાસ થયો હતો. ખલિફાઓના સમયગાળા દરમિયાન બનેલી આ મસ્જિદ કૈરોના અલ-ગમાલિયા જિલ્લામાં આવેલી છે. પીએમ મોદી જે મસ્જિદની મુલાકાત લેશે તે ઇજિપ્તની ચોથી સૌથી મોટી અને મસ્જિદ ઇબ્ન-તુલુન પછી બીજી સૌથી મોટી છે. મસ્જિદનો આકાર ત્રિકોણાકાર છે. મસ્જિદની સામે બે મિનારા છે.

ભૂકંપમાં નાશ પામેલ, જેલ-ભંડાર તરીકે ઉપયોગ કરાતો હતો
અલગ-અલગ સમયમાં આ મસ્જિદને ફરીથી બનાવવાની જરૂર રહી છે. ભારે ધરતીકંપમાં આ મસ્જિદ સંપૂર્ણપણે નાશ પામી હતી. બાદમાં બાયબર્સ અલ-ગશંકિરના શાસન દરમિયાન તેનું પુન:નિર્માણ કરવામાં આવ્યું હતું. બાદમાં 1302માં આ અલ-હકીમ મસ્જિદનું પણ સુલતાન હસનના શાસન દરમિયાન પુન:નિર્માણ કરવામાં આવ્યું હતું. જો કે, ત્યારથી મસ્જિદનો ઉપયોગ જેલ, તબેલા, કિલ્લા અને ભંડાર તરીકે કરવામાં આવતો હતો. ફ્રેન્ચ અભિયાન દરમિયાન મસ્જિદનો ઉપયોગ જેલ તરીકે પણ કરવામાં આવ્યો હતો. દરમિયાન, મસ્જિદના મિનારાઓનો ઉપયોગ વોચ ટાવર તરીકે કરવામાં આવ્યો હતો.

સંપૂર્ણપણે નાશ પામેલી મસ્જિદ છેલ્લે 1980માં નિરંકુશ શાસન હેઠળ ફરીથી બનાવવામાં આવી હતી. આ સમય દરમિયાન તમામ મસ્જિદની કમાન બાંધવામાં આવી હતી. ઇજિપ્ત પર રાશિદીન ખલિફા, તુલુનિડ્સ, ફાતિમિ, અય્યુબી, મમલૂક, ઓટ્ટોમન્સ અને મુહમ્મદ અલી પરિવારના શાસકો દ્વારા શાસન કરવામાં આવ્યું છે. દરેકના સમયગાળાનું અલગ અલગ મહત્વ છે.

છઠ્ઠા ફાતિમિદ ખલીફાના નામ પર આવેલી આ મસ્જિદ, કૈરોના મધ્યમાં સ્થિત છે અને આ વર્ષની શરૂઆતમાં ખોલવામાં આવી તે પહેલાં 2017 થી તેનું નવીનીકરણ અને પુન:સ્થાપિત કરવામાં આવ્યું છે.

ભારત સાથે મજબૂત સંબંધો ધરાવતા દાઉદી બોહરા સમુદાયે મસ્જિદના પુન:સંગ્રહ માટે સહ-ભંડોળ આપ્યું છે. એવી અપેક્ષા છે કે ઇજિપ્તના રાષ્ટ્રપતિ, અબ્દેલ ફતાહ અલ-સીસી અલ-હકીમ મસ્જિદની મુલાકાત દરમિયાન પીએમ મોદીની સાથે હશે