કોઈપણ પ્રકારના દબાણ માટે સૌથી પહેલા તમારી જાતને માનસિક રીતે તૈયાર કરો: પરીક્ષા પે ચર્ચામાં વડાપ્રધાન મોદીએ આપ્યો જીતમંત્ર

વડાપ્રધાન મોદીએ પહેલા દબાણના પ્રકારો કહ્યા અને તેમણે સલાહ સાથે શરૂઆત કરી કે કોઈપણ પ્રકારના દબાણ માટે સૌથી પહેલા તમારી જાતને માનસિક રીતે તૈયાર કરો

‘પરીક્ષા પે ચર્ચા’ કાર્યક્રમમાં વડાપ્રધાન મોદી વિદ્યાર્થીઓના સવાલોના જવાબ આપી રહ્યા છે. કાર્યક્રમની શરૂઆત પરીક્ષાના દબાણને સંભાળવાના પ્રશ્નો સાથે થઈ હતી. આ મુદ્દે વાલીઓથી લઈને શિક્ષકો અને બાળકોએ વડાપ્રધાન મોદી સાથે વાત કરી હતી. તેના જવાબમાં વડાપ્રધાને પરીક્ષાના દબાણને હેન્ડલ કરવાની ટિપ્સ આપી હતી. ચાલો જાણીએ કે, વડાપ્રધાનએ પરીક્ષાના દબાણને હેન્ડલ કરવા માટે શું ટિપ્સ આપી.

#WATCH | Delhi: When the thought comes to the mind of any teacher how can they remove the stress of the student?… Your relationship with the student should continue to grow from the first day till the exam, then perhaps there will be no stress during the exam days… The day… pic.twitter.com/l7KUl5oxMC

— ANI (@ANI) January 29, 2024

તમારી જાતને માનસિક રીતે તૈયાર કરો: વડાપ્રધાન મોદી
આ વિશે વાત કરતી વખતે વડાપ્રધાન મોદીએ પહેલા દબાણના પ્રકારો કહ્યા અને તેમણે સલાહ સાથે શરૂઆત કરી કે કોઈપણ પ્રકારના દબાણ માટે સૌથી પહેલા તમારી જાતને માનસિક રીતે તૈયાર કરો. જ્યારે આપણે આપણી જાતને માનસિક રીતે તૈયાર કરીએ છીએ ત્યારે આપણને એટલી ચિંતા થતી નથી.

Delhi | Exam stress should be addressed by the students as well as the entire family and teachers together. If there is no challenge and competition in life, then life will become unmotivated and consciousnessless. Therefore there must be competition, but there should be healthy… pic.twitter.com/jfeIwDG4N2

— ANI (@ANI) January 29, 2024

દબાણના પ્રકારોનો ઉલ્લેખ
આ દરમિયાન વડાપ્રધાન મોદીએ દબાણના પ્રકારો સમજાવ્યા. પહેલું દબાણ એ છે કે જે આપણે આપણા માટે બનાવીએ છીએ, જેમ કે આપણે આજે આટલો અભ્યાસ કરવાનો છે, આપણે આ દિવસ સુધીમાં આટલો અભ્યાસ પૂરો કરવાનો છે, આપણે આ સમયે જાગવાનું છે. જ્યારે આપણે આવા લક્ષ્યોને પૂર્ણ કરી શકતા નથી, ત્યારે આપણે પરેશાન થઈ જઈએ છીએ. આનો ઉકેલ એ છે કે નાના લક્ષ્યો બનાવો જેને તમે પૂર્ણ કરી શકો. જો તમે સફળ ન થાઓ તો ચિંતા કરશો નહીં અને ફરીથી પ્રારંભ કરો.

#WATCH | Delhi: A lot of parents keep on giving examples of other children to their children. Parents should avoid doing these things… We have also seen that those parents who have not been very successful in their lives, have nothing to say or want to tell the world about… pic.twitter.com/iOHkohLlY2

— ANI (@ANI) January 29, 2024

આ સાથે કહ્યું કે, બીજું દબાણ તે છે જે માતા-પિતા, કુટુંબ અથવા મોટા ભાઈ-બહેનો દ્વારા બનાવવામાં આવે છે. બાળકોને વારંવાર અટકાવવા, અન્ય લોકો સાથે તેમની સરખામણી કરવી, તેમને ટોણા મારવા. જ્યારે માતા ચૂપ થઈ જાય છે, ત્યારે પિતા ઠપકો આપવા લાગે છે. એકંદરે આ કોમેન્ટ્રી ઘરમાં અટકતી નથી. વડાપ્રધાન મોદીએ માતા-પિતાને આ પ્રકારનું વર્તન ટાળવા અનુરોધ કર્યો હતો. બાળકોને સારું સકારાત્મક વાતાવરણ પૂરું પાડો અને તેમની સરખામણી અન્ય કોઈ બાળક સાથે ન કરો કે તેમને દિવસ-રાત અભ્યાસ કરવાનું કહો.

આ સાથે કહ્યું કે, ત્રીજું અને છેલ્લું દબાણ સમજણનો અભાવ છે. એટલે કે આવા દબાણો કાલ્પનિક છે. આમાં કોઈ સત્ય નથી અને આપણે આખો સમય ડરી જઈએ છીએ. જ્યારે તક આવે છે ત્યારે આપણે સમજીએ છીએ કે ડરવાનું કંઈ નથી, તેથી આવા દબાણથી દૂર રહો. દબાણ વગર તમે પરીક્ષાઓમાં સારો દેખાવ કરી શકશો.