પ્રભાસ પાટણ પોલીસે વિદેશી દારૂ ભરેલી કાર સાથે ચાલકને ઝડપી લીધો

હિરણ નદીના પુલ પર બે કાર અને બાઇકને હડફેટે લેતા ઝડપાયો

ખાસ-ખબર ન્યૂઝ જૂનાગઢ, તા.18

ગીર-સોમનાથ જિલ્લાના હિરણ નદીના પુલ પર એક કાર ચાલકે હિટ એન્ડ રનની ઘટના બની હતી જેમાં બે કાર અને એક બાઇકને ઠોકર મારી કાર ચાલક ભાગી છુટવાનો પ્રયત્ન કર્યો હતો. આ ઘટનાની જાણ પ્રભાસ પાટણ પોલીસને થતા તૂરંત નાકાબંધી કરી કરતા જયારે નાસી છુટવાનો પ્રયત્ન કરનાર બુટલેગરને પોલીસે કાર નં.જી.જે.1.આર.એસ. 7382 સાથે વિદેશી દારૂની 301 બોટલ સાથે ઝડપી પાડવામાં આવ્યો હતો. વિદેશી દારૂથી ભરેલી કાર ચાલક ધર્મેશ ગીગા રાઠોડ પોલીસથી બચવા હીટ એન્ડ રન કરીને બે કાર અને એક બાઇકને ઠોકર મારી ભાગવા જતા અંતે પોલીસે કાર ચાલકને વિદેશી દારૂ સાથે ઝડપી પાડી વધુ કાર્યવાહી હાથ ધરી હતી.