જૂનાગઢના નોબલ સ્કૂલ પાસે ગેસ કનેકશન લાઇનથી ખાડા ખુલ્લા

ખાસ-ખબર સંવાદદાતા
જૂનાગઢ શહેરમાં ભૂગર્ભ ગટર તેમજ ગેસલાઇન સહિતના કામો ચાલી રહ્યા છે ત્યારે મનપા દ્વારા પુરી તકેદારી નહીં રાખવાની ફરિયાદ ઉઠવા પામી છે. જેમાં શહેરનાં ઓનલી ઇન્ડિયન નામથી ઓળખાતા વ્યક્તિએ નોબલ સ્કૂલ જવાના રસ્તે ગેસ લાઇનની પાઇપલાઇન નાખવા માટે ખોદકામ કરવામાં આવ્યુ જેમાં પાણીની પાઇપલાઇન તૂટી જતાં ખાડામાં પાણી ભરાવાથી મુશ્કેલીઓ ઉભી થઇ છે. સ્કૂલે જતા વિદ્યાર્થીઓને અકસ્માતનો ભય જોવા મળી રહ્યો છે. તેમણે વધુમાં જણાવ્યુ હતુ કે, જયારે ખોદકામ કરવામાં આવે ત્યાર બાદ તૂરંત કામગીરી પૂર્ણ થયા બાદ ખાડાને બુરી દેવા જોઇએ. નહીં તો રાત્રીના સમયે અકસ્માત થવાની સંભાવના છે. ત્યારે જે કંપની દ્વારા કામગીરી કરવામાં આવે છે ત્યારે મહાપાલિકાના કર્મચારીઓએ પીજીવીસીએલ અને બીએસએનએલ અધિકારીઓને સાથે રાખી કામગીરી કરવી જોઇએ.