ખાસ-ખબર ન્યૂઝ નવી દિલ્હી
હવામાન વિભાગે શનિવારે મધ્યપ્રદેશ, છત્તીસગઢ, મહારાષ્ટ્ર અને ગોવામાં વરસાદ માટે રેડ એલર્ટ જાહેર કર્યું છે. આ ઉપરાંત પૂર્વ અને દક્ષિણના 13 રાજ્યોમાં ઓરેન્જ એલર્ટ છે.
બંગાળની ખાડીમાં ઓછા દબાણને કારણે શનિવારે બંગાળના દક્ષિણ જિલ્લાઓમાં ભારે વરસાદ પડી શકે છે. મધ્યપ્રદેશમાં પણ શુક્રવારે ભારે વરસાદ પડ્યો હતો. સિંગરૌલીમાં 7 ઇંચ વરસાદ નોંધાયો હતો.
- Advertisement -
અશોકનગરના ચંદેરીમાં રાજઘાટ ડેમના 12 દરવાજા ખોલવામાં આવ્યા હતા. જેના કારણે પુલ પર 8 ફૂટ સુધી પાણી ભરાઈ ગયું હતું. મધ્યપ્રદેશ અને ઉત્તરપ્રદેશને જોડતો હાઇવે બંધ થવાને કારણે વાહનોની લાંબી કતારો લાગી ગઈ છે.
હિમાચલ પ્રદેશમાં ભારે વરસાદ સતત તબાહી મચાવી રહ્યો છે. રાજ્ય આપત્તિ વ્યવસ્થાપન સત્તામંડળ (જઉખઅ) અનુસાર, શુક્રવાર સાંજ સુધી રાજ્યમાં 221 રસ્તા, 36 વીજળી ટ્રાન્સફોર્મર અને 152 પાણી પુરવઠા યોજનાઓ બંધ કરવામાં આવી હતી.
આ સિઝનમાં 24 જુલાઈ સુધીમાં, હિમાચલમાં વાદળ ફાટવાની 25 ઘટનાઓ, ભૂસ્ખલનની 30 ઘટનાઓ અને અચાનક પૂરની 42 ઘટનાઓ બની છે. આના કારણે, 414 ઘરો અને 297 ઘરો જમીનદોસ્ત થઈ ગયા હતા. તે જ સમયે, 877 ઘરોને આંશિક નુકસાન થયું હતું.
- Advertisement -
રાજ્યમાં અત્યાર સુધીમાં 153 લોકોએ જીવ ગુમાવ્યા છે, જ્યારે 1,436 કરોડ રૂપિયાની સરકારી અને ખાનગી સંપત્તિનો નાશ થયો છે.
મધ્યપ્રદેશના બાલાઘાટમાં લાંજીના પ્રખ્યાત ભગવાન કોટેશ્ર્વર મંદિરના ગર્ભગૃહમાં પાણી ભરાઈ ગયું છે. શનિવાર સવારથી પડી રહેલા વરસાદને કારણે મંદિર તરફ જતા માર્ગ પર કાશીનાલા પુલ પરથી પાણી વહી રહ્યું છે. તેમ છતાં, લોકો મંદિર પહોંચી રહ્યા છે. સલામતીને ધ્યાનમાં રાખીને, મંદિરનો દરવાજો બંધ કરી દેવામાં આવ્યો છે.
મહારાષ્ટ્રના પાલઘર જિલ્લામાં છેલ્લાં થોડા દિવસથી સતત વરસાદ થઈ રહ્યો છે. જેથી જિલ્લાની નદીઓ બેકાંઠે વહી રહી છે. સૂર્યા, વૈતરણા અને પિંજલ નદીમાં આ સમયે પુરની સ્થિતિ છે. ડેમનું જળસ્તર પણ વધી ગયું છે. જિલ્લામાં ધામની ડેમના ત્રણેય ગેટ ખોલી દેવામાં આવ્યા છે.
