કલેકટરના અધ્યક્ષસ્થાને સ્વાતંત્ર્ય પર્વની ઉજવણી બાબતે બેઠક યોજાઈ
ખાસ-ખબર સંવાદદાતા
મોરબી જિલ્લા કલેકટર જી. ટી. પંડ્યાના અધ્યક્ષસ્થાને જિલ્લામાં સ્વાતંત્ર્ય પર્વની ઉજવણી અંગેની બેઠક કલેકટર કચેરીના સભાખંડ ખાતે યોજાઈ હતી જેમાં મોરબી જીલ્લા કક્ષાના સ્વાતંત્ર્ય પર્વની ઉજવણી દેવકુંવરબા સંકુલ, ટંકારા ખાતે કરવાનું નક્કી કરવામાં આવ્યું હતું. આ બેઠકમાં ગ્રાઉન્ડ, મંડપ, રાષ્ટ્રધ્વજ, સાઉન્ડ સિસ્ટમ, લાઈટ, સુશોભન, બેઠક વ્યવસ્થા, સ્ટેજ અને ડાયસ પ્લાન, સ્પીચ, પરેડ, પાર્કિંગ, ધ્વજ પોલ, ટ્રાફિક, પીવાના પાણીની વ્યવસ્થા, વૃક્ષારોપણ, સાફ-સફાઈ વગેરે બાબતે સંલગ્ન વિભાગોને સુચના આપવામાં આવી હતી. આ બેઠકમાં નિવાસી અધિક કલેકટર, જિલ્લા ગ્રામ વિકાસ એજન્સીના નિયામક, વાંકાનેર પ્રાંત અધિકારી, નાયબ જિલ્લા વિકાસ અધિકારી, માર્ગ અને મકાન વિભાગ (પંચાયત) ના કાર્યપાલક ઈજનેર, જિલ્લા યુવા વિકાસ અધિકારી, જિલ્લા શિક્ષણ અધિકારી અને ટંકારા તાલુકા વિકાસ અધિકારી સહિત વિવિધ વિભાગના અધિકારીઓ અને કર્મચારીઓ ઉપસ્થિત રહ્યા હતા.
