ભૂતકાળમાં ભારતના કોઈ વડાપ્રધાને આવી ખેવના બતાવી નથી.
વાર્તાલાપનો પ્રત્યેક સંવાદ કહેતો હતો કે મોદીજી આ ખેલાડીઓના સંઘર્ષને જાણે છે, તેમની દ્વિધા, તેમની મુશ્કેલી સમજે છે જાણે કે તેઓ ખેલાડીઓના હૈયા અને ભેજા સોંસરવા ઉતરી ગયા છે!
દોઢ કલાકના આ નોન સ્ટોપ અભૂતપૂર્વ વાર્તાલાપના પ્રત્યેક સંવાદમાં રમતગમત અંગે વડાપ્રધાન મોદીનું જ્ઞાન સ્પષ્ટ થતું હતું.
ગઇકાલે ટીવી પર એક નવા જ પ્રકારનો સંવાદ જોવા મળ્યો. ભૂતકાળમાં ક્યારેય એવું બન્યું નથી કે ભારતના કોઈ વડાપ્રધાને ઓલમ્પિક જંગ માટે જઈ રહેલા ખેલાડીઓ સાથે આટલી લંબાણ પૂર્વક વાત કરી હોય. હા, ઓલમ્પિક કે કોઈ અન્ય ટુર્નામેન્ટ જીતીને આવેલા ખેલાડીઓ સાથે દરેક વડાપ્રધાને અગાઉ થોડી ઘણી વાતો જરૂર કરી લીધી છે પરંતુ ઓલમ્પિક સ્પર્ધાઓ માટે જઈ રહેલા ખેલાડીઓ કે જેઓ હજુ આ સ્પર્ધામાં જીત્યા નથી તેમની સાથે અધિકૃત પ્રકારના સંવાદની આ પ્રથમ ઘટના છે. આ ઘટના ન તો કેવળ પ્રથમ છે બલ્કે તે અનન્ય છે, તે અનન્ય છે તેના ક્ધટેન્ટના કારણે! આ બહુ સમજવા જેવી બાબત છે. ઓલમ્પિક માટે જઈ રહેલા ખેલાડીઓ પાસે પોતાની રમતની અતી વિશેષ ક્ષમતા તો હોય જ, તેઓ નિર્વિવાદ ડાયમંડ છે એ તો સાચું જ પરંતુ તેમના હૃદયમાં ડોકિયું કરી શકવાની મોદીજીની ક્ષમતા જોઈ હ્રુદય ખરેખર જ પુલકિત થઇ ગયું. લગભગ દોઢેક કલાકના આ વાર્તાલાપનો પ્રત્યેક સંવાદ કહેતો હતો કે મોદીસાહેબ કેવળ રાજરમત જ નહી, સાચુકલી રમત અને તે માટે જરૂરી કૌવત અંગે પણ અગાધ જ્ઞાન ધરાવે છે.
ગઇકાલે તેઓ 23મી જુલાઈએ શરૂ થઈ રહેલા ઓલમ્પિક ખેલ માટે અહીંથી 17મી જુલાઈના રોજ જનારા ખેલાડીઓ સાથે વાતચીત કરી રહ્યા હતા. ભારત આ વખતે 18 રમતો માટે 126 ખેલાડીઓ ટોક્યો ઓલમ્પિક માટે મોકલી રહ્યું છે. આ ખેલાડીઓનો ઉત્સાહ વધારવા વડાપ્રધાન મોદીજી કોન્ફરન્સિંગ દ્વારા તેમની સાથે વાતચીત કરી રહ્યા હતા. ભૂતકાળમાં ભારતના કોઈ વડાપ્રધાને હજુ રમતમાં વિજેતા ન નીવડ્યા હોય તેવા ખેલાડીઓને પ્રેરણા આપવા, તેમનો જોમ જુસ્સો વધારવા આ રીતે વાત કરી નથી. આથી આ ખેલાડીઓ અજીબ પ્રકારનો રોમાંચ અને ગર્વ અનુભવી રહ્યા હતા. તેઓ સ્પષ્ટપણે એવું ફીલ કરી રહ્યા હતા કે આ દેશના સર્વોચ્ચ વડા તેમના સંઘર્ષને સમજે છે, તેમની મહેનતની કદર કરે છે.
- Advertisement -
વડાપ્રધાનને આપણે દેશવિદેશના રાજકીય આગેવાનો, ટોચના વૈજ્ઞાનિકો, ધાર્મિક આધ્યાત્મિક નેતાઓ, કલાકારો, વિદ્યાર્થીઓ, ડોકટરો, આંતરરાષ્ટ્રીય બિઝનેસ ટાઈકુંસ સાથે વાત કરતા જોયા છે. તેમની વાતચીત સાંભળીએ ત્યારે આપણને એ પ્રતીતિ થયા વીના ના રહે કે તેઓ આ દરેકના ક્ષેત્રને સમજે છે. તેઓ સામે વાળી વ્યક્તિની લાયકાત તેની વિશેષતાઓ, તેની માનસિકતાનો ખાસ અભ્યાસ ધરાવતા હોય છે. પછી સામેની વ્યક્તિ ચાહે કોઈ પણ ક્ષેત્રની હોય, કોઈ પણ ઉંમરની હોય કે ચાહે તેનું સામાજિક આર્થિક રાજકીય બેકગ્રાઉન્ડ કાઈ પણ હોય, તેઓ તેમના હૈયા અને ભેજા સોંસરવા ઉતરી જાય છે. આટલા અતી વ્યસ્ત શેડયુલ વચ્ચે તેઓ સામેની વ્યક્તિની વિગતોનો ક્યારે અભ્યાસ કરી લેતા હશે!?! આ કેવળ સમય હોવા ન હોવાની વાત નથી, આ કેવળ માનસિક સજ્જતાની વાત નથી, આ વાત છે તેમના હ્રુદયની અમીરાતની! તેઓ હંમેશા ઉત્સાહથી થનગનતા હોય છે. અનેક પડકારો વચ્ચે કામ કર્યા તેઓ ક્ષણભર માટે પણ ઢીલા નથી પડતા.
ગઇકાલે સ્કવોષની ખેલાડી દીપિકા પાલિકલ સાથે વાતચીત કરતા તેમણે દીપિકાને યાદ અપાવી કે નાનપણમાં વૃક્ષ પરથી કેરીઓ પાડવામાં કેવી હુશિયાર હતી! વડાપ્રધાન કક્ષાની વ્યક્તિ તેના જીવનની આટલી નોંધ લે છે તે જાણી ઘડી બે ઘડી તો તે સ્થબ્ઘ જ થઈ ગઈ. વડાપ્રધાનની વાતોથી દીપિકાના ચહેરા પર ગૌરવ ઝલક્તું હતું.
વડાપ્રધાને બેડમિન્ટન ખેલાડી પી વી. સિંધુ, કુસ્તીના ખેલાડી વીનેશ ફોગટ, બોક્સર મેરીકોમ, શૂટર સૌરભ ચૌધરી, ઇલાવેનીલ કવારીવં, ટેબલ ટેનિસ પ્લેયર શરદ કમલ અને નીરજ સહિત અન્ય કેટલાક ખેલાડીઓ સાથે પણ વાત કરી હતી. મોદીજી તેમના અંગત જીવન વીશે, તેમના સંઘર્ષ વીશે, તેમની ખામીઓ અને ખૂબીઓ વીશે, તેમની સફળતા નિષ્ફળતા વીશે અને તેમના જીવનની દ્વિધાઓ તેમજ તેમની સારી ખરાબ આર્થિક સ્થિતિનું મોદીજી પડે આટલું વિસ્તૃત વિવરણ છે તે જાણી આ ખેલાડીઓ એવો સંતોષ અનુભવતા હતા કે દેશનો સર્વોચ્ચ વડો તેમની જીવન ઘટમાળની નોંધ લઈ રહ્યો છે. તેમને એક પ્રકારનું પ્રોત્સાહન મળી રહ્યું હતું. મોટીવેશનના આવા પાઠ મેનેજમેન્ટના કોઈ પુસ્તકમાં નહી હોય. આ વીડિયો કોન્ફરન્સમાં પ્રત્યેક ખેલાડીએ સ્પોર્ટ્સને પ્રોત્સાહન આપવા અંગે સરકારની સરાહના કરી હતી. સ્પોર્ટ્સ પ્રત્યે સરકારની ઉદાસીનતાની કોઈ જ ફરિયાદ ન હતી.
આ એક અત્યંત નવો અનુભવ હતો જેમાં એક વડાપ્રધાનને અલગ અલગ રમતના દરેક પાસા વીશે વિસ્તૃત જ્ઞાન હોવાનું સ્પષ્ટ થતું હતું. તેઓ ખેલાડીના મનની ગૂંચ સમજી શકતા હતા. બેડમિન્ટન ખેલાડી પી વી સિંધુના આઇસ્ક્રીમ શોખની વાત કરી વાતાવરણને તેમણે હળવું બનાવી દીધું હતું. વિડિયો કોન્ફરન્સમાં તેમણે તેને પૂછ્યું હતું કે શું તમારા કોચ તમને આઇસ્ક્રીમ ખાતા રોકે છે? સિંધુ માટે આ સવાલ અણધાર્યો હતો. વડાપ્રધાન પાસેથી તેમને કેવળ ઔપચારિક વાતની અપેક્ષા હતી પરંતુ મોદીજી તેમની સાથે તેમના પરિવારના વડાની જેમ વાત કરી રહ્યા હતા. મોદીજીએ તેમને કહ્યું, “તમે સુવર્ણ ચંદ્રક જીતી આવો પછી આપણે બન્ને સાથે આઇસ્ક્રીમ ખાશું. તેમના આ શબ્દોમાં એક જાદુ હતો. સિંધુએ અર્ધી જીત અહી જ હાંસલ કરી લીધી હતી. રેસ્લિંગ ખેલાડી વીનેશ ફોગટના પરિવાર સાથે વાતચીત કરતા મોદીજીએ મજાકમાં તેમને પૂછ્યું, “આપ આપની લડકીઓકો કોનસી ચકી કા આંટા ખીલાતે હો?” વડાપ્રધાન એટલી અંગત રીતે વાત કરી રહ્યા હતા કે ખેલાડીઓ માટે જીતવું ફરજિયાત બની જાય. તેમણે દરેક ખેલાડીઓના માતા પિતા સાથે પણ વાત કરી હતી. શૂટિંગમાં ભાગ લેવા જઈ રહેલા પ્રવીણકુમારની નબળી આર્થિક સ્થિતિ અંગે મોદીજીએ તેમને હિંમત આપી ગજબનાક ઉત્સાહ સિચ્યો હતો. મોદીસાહેબ પ્રવીણના મજૂર પીતા સાથે પણ વાત કરી હતી.
- Advertisement -
