વૈષ્ણોદેવી માતાના દર્શન અને આરતી વખતે ડ્રેસ કોડ ફરજિયાત: ટૂંકા કપડાં પહેરવા પર પ્રતિબંધ

શ્રાઈન બોર્ડ પ્રશાસન શિષ્ટ વસ્ત્રોને લગતી સૂચનાઓ પર નજર રાખશે:સમગ્ર નવરાત્રિમાં ઉપવાસ કરનારા ભક્તો માટે વિશેષ વ્યવસ્થા

આ નવરાત્રિમાં વૈષ્ણોમાતાના દર્શન કરવા અને અટક આરતીમાં હાજરી આપતી વખતે યોગ્ય વસ્ત્રો પહેરવાનું ફરજિયાત કરવામાં આવ્યું છે. શોટર્સ , કેપરી, ટી-શર્ટ વગેરે પહેરીને મુલાકાત લેવા પર સંપૂર્ણ પ્રતિબંધ મુકવામાં આવ્યો છે.

શ્રાઈન બોર્ડ પ્રશાસને આ અંગે કડક સૂચના આપી છે. આ અંગે મા વૈષ્ણો દેવી ભવનમાં વિવિધ સ્થળોએ માહિતીના બોર્ડ લગાવવામાં આવ્યા છે. જાહેરાતો પણ કરવામાં આવી રહી છે. જે ભક્તો યોગ્ય વસ્ત્રો પહેરતા નથી તેઓને ન તો દર્શન કરવા દેવામાં આવશે અને ન તો તેમને દિવ્ય આરતીમાં ભાગ લેવા દેવામાં આવશે.

શ્રાઈન બોર્ડ પ્રશાસન શિષ્ટ વસ્ત્રોને લગતી સૂચનાઓ પર નજર રાખશે.શ્રાઈન બોર્ડની સૂચનાઓ જૂની હોવા છતાં આ વખતે નવરાત્રિથી આ સૂચનાનો કડક અમલ કરવામાં આવશે. હવેથી લોકોને જાગૃત કરવામાં આવી રહ્યા છે.

આ વખતે શ્રી માતા વૈષ્ણોદેવી શ્રાઈન બોર્ડ દ્વારા સમગ્ર નવરાત્રિમાં ઉપવાસ કરનારા ભક્તો માટે વિશેષ વ્યવસ્થા કરવામાં આવી છે. યાત્રાના તમામ માર્ગો પર શ્રદ્ધાળુઓને લંગરમાં મફત ફળ આપવામાં આવશે.

જો કે અગાઉ નવરાત્રિ દરમિયાન શ્રાઈન બોર્ડની રેસ્ટોરન્ટમાં ફ્રુટ પ્લેટની વ્યવસ્થા હતી, પરંતુ ઘણી જગ્યાએ ફ્રુટ લંગરની સુવિધા પ્રથમ વખત આપવામાં આવી રહી છે. આ સુવિધા મા વૈષ્ણો દેવીના નવા તારાકોટ રૂટ પર તારાકોટ સાઇટ, પરંપરાગત રૂટ પર સાંઝી છટ વિસ્તાર અને ભૈરવ ખીણમાં ભૈરવ મંદિર પરિસરમાં હશે.