જૂનાગઢના રેલવે સ્ટેશનની 232 કરોડના ખર્ચે થશે કાયાપલટ

વાસ્તુ શિલ્પ પરિવેશ સાથે ડિઝાઇન કરાઇ રહ્યું છે

વાઇ-ફાઇ, સીસીટીવી વગેરે આધુનિક સુવિધા સાથે સજ્જ થશે

ખાસ-ખબર ન્યૂઝ જૂનાગઢ, તા.19

જૂનાગઢ પશ્ચિમ રેલવે દ્વારા રેલવે આધુનિકીકરણ અને સુવિધાઓમાં સુધારના ઉદ્દેશયથી પોતાના અધિકાર ક્ષેત્રમાં ઘણા સ્ટેશનોના મોટા પાયે અપગ્રેડેશન અને રીડેવેલોપમેન્ટના પ્રોજેક્ટ શરૂ કરવામાં આવ્યા છે. જેમાં એક જૂનાગઢ રેલવે સ્ટેશન પણ છે જેમાં જૂનાગઢ પશ્ચિમ રેલ્વેના ભાવનગર મંડળના અંતર્ગત આવે છે અને ગુજરાત રાજ્યના સૌથી સુંદર જિલ્લાઓ માંથી એક છે. પશ્ચિમ ગુજરાતમાં સ્થિતતે અરબસાગર અને હર્યા -ભર્યા જંગલોથી ઘેરાયેલું છે. જૂનાગઢ ગીર અભ્યારણ્ય માટે પ્રસિદ્ધ છે. જે એશિયાઈ સિંહોનૂ એકમાત્ર નિવાસસ્થાન છે અને જૂનાગઢમાં ગિરનારની પર્વત માળા છે. જે એક પ્રમુખ તીર્થ સ્થળ છે. જૂનાગઢ ગુજરાતના સૌથી સુંદર અને સાંસ્કૃતિક રૂપથી સમૃદ્ધ શહેરોમાં નું એક છે.એટલુંજ નહિ દુનિયા ભરમાં ગુજરાતી પ્રવાસી જૂનાગઢની સંસ્કૃતિ , ભોજન અને પ્રથાઓને ગુજરાતની ઉત્કૃષ્ઠ ભાવનાઓથી જોડે છે. સૌરાષ્ટ્ર ક્ષેત્રમાં સ્થિત જૂનાગઢ પોતાના કિલ્લાઓ , પોતાના બજારો, ગીત -નૃત્ય સંસ્કૃતિ, મસાલાઓ અને આચાર અને મિલનસાર લોકો માટે પ્રસિદ્ધ છે. રાજ્યના મહત્વપૂર્ણ શહેરોમાંથી એક હોવાના કારણે પશ્ચિમ રેલવે દ્વારા આધુનિક સુવિધાઓ અને સુખ – સુવિધાઓની સાથે મોડ્યુલર કોન્સેપ્ટ પર એક વિશ્વ સ્તરનું રેલવે સ્ટેશન બનાવવાની પહેલ કરી છે. જૂનાગઢ રેલવે સ્ટેશનને વાસ્તુ શિલ્પ પરિવેશના સાથે ડિજાઇન કરવાંમાં આવી રહ્યું છે.

જે એ સુનિશ્ચિત કરશે કે સંપૂર્ણ સ્ટેશન પરિસર યોગ્ય પાસું, પૂર્ણાહુતિ, રંગો, સામગ્રી, ટેક્સચર અને એકંદર દેખાવ અને અનુભૂતિ દ્વારા એકીકૃત થીમ પ્રસ્તુત કરે છે.મુખ્ય સ્ટેશન બિલ્ડિંગ અને અગ્રભાગની ડિઝાઇન ગીરના જંગલના પ્રભાવ સહિત જૂનાગઢની સમૃદ્ધ સંસ્કૃતિ, પરંપરા અને ભવ્યતાના વિવિધ પાસાઓને પ્રતિબિંબિત કરશે તે પ્રાચીન અને આધુનિક સ્થાપત્યનું સુંદર મિશ્રણ હશે. સ્ટેશનમાં વિશ્વ કક્ષાની બહુમાળી ઇમારત, બુકિંગ અને પાર્સલ ઓફિસ, લિફ્ટ્સ, એસ્કેલેટર, કોન્સર્સ, એસી વેઇટિંગ રૂમ, ડેડિકેટેડ એન્ટ્રી અને એક્ઝિટ, વરિષ્ઠ નાગરિકો અને દિવ્યાંગજનો માટે બેટરી સંચાલિત વાહનો, અનુકૂળ પાર્કિંગ, આધુનિક કોચ માર્ગદર્શન ડિસ્પ્લે બોર્ડ, જાહેરાત છે. સિસ્ટમ, વાઇ-ફાઇ, સીસીટીવી સિસ્ટમ વગેરે ઘણી આધુનિક સુવિધાઓની વચ્ચે સુવિધાઓ જોવા મળશે. નવી અત્યાધુનિક સ્ટેશન બિલ્ડીંગ મુસાફરોની મુસાફરીને વધુ સુવિધાજનક અને આરામદાયક બનાવશે. તે શહેર માટે વધારાનું આકર્ષણ બની રહેશે અને એરપોર્ટ જેવા વાતાવરણમાં પ્રવાસીઓ, યાત્રાળુઓ અને પ્રવાસીઓને આવકારશે, જેનાથી રાજ્યના પ્રવાસન ઉદ્યોગને વેગ મળશે અને રોજગારીની તકોમાં વધારો થશે આમ જયારે પ્રધાનમંત્રી નરેન્દ્રભાઈ મોદી દ્વારા જૂનાગઢ રેલવે સ્ટેશનનું વર્ચ્યુલ રીતે ખાતમુહર્ત કરવામાં આવ્યું હતું ત્યારે હજુ લોકોને બે વર્ષ જેટલો સમય રાહ જોવી પડશે તેમ લાગી રહ્યું છે.જોકે ડિઝાઇન લઈને તમામ કામગીરી પૂર્ણ કરી દેવામાં આવી છે.પણ હજુ સુધી કામગીરી શરુ કરી દેવામાં નથી આવી જયારે રેલવે સ્ટેશનનું કામ પૂર્ણ થશે ત્યારે બેનમૂન હશે તેમ લોકો માની રહ્યા છે.