વડાપ્રધાન મોદી 13 જૂને સવારે 10:30 વાગ્યે વીડિયો કોન્ફરન્સ દ્વારા લગભગ 70,000 એપોઇન્ટમેન્ટ લેટરનું વિતરણ કરશે
વડાપ્રધાન મોદી આજે એટલે કે, મંગળવારે લગભગ 70,000 નવા ભરતી થયેલા લોકોને નિમણૂક પત્રોનું વિતરણ કરશે. PMO દ્વારા આ માહિતી સામે આવી છે. મહત્વનું છે કે, આ પ્રસંગે તેઓ લોકોને સંબોધિત પણ કરશે. વડાપ્રધાન કાર્યાલય (PMO) એ એક નિવેદનમાં જણાવ્યું હતું કે,વડાપ્રધાન મોદી 13 જૂને સવારે 10:30 વાગ્યે વીડિયો કોન્ફરન્સ દ્વારા લગભગ 70,000 એપોઇન્ટમેન્ટ લેટરનું વિતરણ કરશે. નિવેદન અનુસાર સરકારના ‘રોજગાર મેળા’ પહેલ હેઠળ નિમણૂક પત્રોનું વિતરણ કરવામાં આવશે.
- Advertisement -
આજે એટલે કે મંગળવારે દેશભરમાં 43 જગ્યાએ રોજગાર મેળાનું આયોજન કરવામાં આવશે. આ પહેલ હેઠળ કેન્દ્ર સરકારના વિભાગો તેમજ રાજ્ય સરકારો/કેન્દ્રશાસિત પ્રદેશોમાં ભરતી કરવામાં આવી રહી છે. રોજગાર મેળા હેઠળ કેન્દ્ર સરકારના વિવિધ વિભાગો સાથે રાજ્યો અને કેન્દ્રશાસિત પ્રદેશોમાં મહત્વની સાથે ભરતી કરવામાં આવી રહી છે. નાણાકીય સેવાઓ વિભાગ, પોસ્ટ વિભાગ, શાળા શિક્ષણ વિભાગ, ઉચ્ચ શિક્ષણ વિભાગ, સંરક્ષણ મંત્રાલયમાં નવી ભરતી કરવામાં આવી છે.
Prime Minister Narendra Modi to distribute about 70,000 appointment letters to newly inducted recruits via video conferencing today. Prime Minister will also address these appointees on the occasion.
(file pic) pic.twitter.com/HFYGT3NEGz
- Advertisement -
— ANI (@ANI) June 13, 2023
આ મંત્રાલયો અને વિભાગોમાં રોજગાર ઉપલબ્ધ થશે
મહેસૂલ વિભાગ, આરોગ્ય અને પરિવાર કલ્યાણ મંત્રાલય, અણુ ઊર્જા વિભાગ, રેલવે મંત્રાલય, ઓડિટ અને એકાઉન્ટ્સ વિભાગ, પરમાણુ વિભાગ, ઉર્જા, ગૃહ મંત્રાલય સહિત ઘણા વિભાગોમાં નવી ભરતી કરવામાં આવી છે. તમને જણાવી દઈએ કે, 22 ઓક્ટોબર 2022ના રોજ વડાપ્રધાન મોદીએ 10 લાખ સરકારી નોકરીઓ આપવાનું અભિયાન શરૂ કરીને રોજગાર મેળાના પ્રથમ તબક્કાની શરૂઆત કરી હતી. અત્યાર સુધીમાં અનેક તબક્કામાં લાખો યુવાનોને સરકારી નોકરીઓ માટે નિમણૂક પત્રો આપવામાં આવ્યા છે.
રોજગાર મેળા દેશના વિકાસમાં સહભાગી થવાની તક પૂરી પાડશે
નિવેદનમાં કહેવામાં આવ્યું છે કે, ‘રોજગાર મેળો’ રોજગાર સર્જનને સર્વોચ્ચ અગ્રતા આપવાની વડાપ્રધાનની પ્રતિબદ્ધતાને પૂર્ણ કરવાની દિશામાં એક મહત્વપૂર્ણ પગલું છે. નોકરી મેળાથી યુવાનોને તેમના સશક્તિકરણ અને દેશના વિકાસમાં ભાગીદારી માટે અર્થપૂર્ણ તકો પૂરી પાડવાની અપેક્ષા છે. નવનિયુક્ત કર્મચારીઓને પણ iGOT કર્મયોગી પોર્ટલ પર પોતાને તાલીમ આપવાની તક મળી રહી છે. અહીં 400 થી વધુ ઈ-લર્નિંગ કોર્સ ઉપલબ્ધ છે.
