ખાસ-ખબર સંવાદદાતા
સુપ્રીમ કોર્ટે સોમવારે કહ્યુ કે જે રાજ્યોમાં હિન્દુઓની સંખ્યા અન્ય સમુદાયો કરતા ઓછી છે ત્યાં તેમને લઘુમતી જાહેર કરવા કોર્ટનુ કામ નથી. લઘુમતી સ્થિતિનુ નિર્ધારણ અમુક અનુભવજન્ય પરિબળો અને આંકડા પર નિર્ભર કરે છે. જેના કારણે આ અભ્યાસ તેમના અધિકારક્ષેત્રથી બહાર છે. જજ ઉદય યૂ લલિત અને જજ એસ રવીન્દ્ર ભટની બેન્ચ અનુસાર સુપ્રીમ કોર્ટ રેકોર્ડ પર અધિકૃત સામગ્રી વિના રાજ્યોમાં હિંદુઓને લઘુમતી જાહેર કરવાનો સામાન્ય આદેશ જારી કરી શકતી નથી. બેન્ચે અરજીકર્તા દેવકીનંદન ઠાકુર જી તરફથી રજૂ વકીલ અશ્વિની ઉપાધ્યાયને કહ્યુ, કોઈ સમુદાયને લઘુમતી જાહેર કરવાનુ કામ કોર્ટનુ નથી. જ્યાં સુધી તમે અમને અધિકારોથી વંચિત રાખવા અંગે કંઇક નક્કર ન બતાવો ત્યાં સુધી હિન્દુઓને લઘુમતી જાહેર કરવાની સામાન્ય જાહેરાત થઈ શકે નહીં.
દેવકીનંદન ઠાકુર જી તરફથી જૂનમાં દાખલ જનહિત અરજીએ રાષ્ટ્રીય લઘુમતી આયોગ (ગઈખ) એક્ટ, 1992 અને ગઈખ શૈક્ષણિક સંસ્થા (ગઈખઊઈં) એક્ટ, 2004 ની જોગવાઈને પડકાર આપવામાં આવ્યો છે જે લઘુમતી માટે ઉપલબ્ધ કેટલાક લાભ અને અધિકારોને પ્રતિબંધિત કરે છે, જેમાં છ સૂચિત સમુદાયો- ખ્રિસ્તી, મુસ્લિમ, શીખ, બૌદ્ધ, પારસી અને જૈન માટે સંસ્થાઓની સ્થાપના અને તેમના વહીવટનુ અધિકાર પણ સામેલ છે.
