બાળક માટે પતિ કરી શકે મૃત પત્નીના ભ્રુણનો ઉપયોગ

લંડનમાં કોર્ટે સંભળાવ્યો ઐતિહાસિક ચુકાદો

ખાસ-ખબર સંવાદદાતા
ઈંટઋ ટેકનિકથી પ્રેગ્નન્સીને લઈને હજુ પણ ભારતમાં જ નહીં પરંતુ દુનિયાના ઘણા દેશોમાં ઘણી મુશ્કેલીઓ છે અને ઘણા નિયમો સ્પષ્ટ નથી, પરંતુ આ બધાની વચ્ચે લંડનથી એક સારા સમાચાર સામે આવ્યા છે. અહીં ઉત્તર લંડનમાં રહેતા 38 વર્ષીય ટેડ જેનિંગ્સને આખરે તેમના શુક્રાણુ અને તેમની સ્વર્ગસ્થ પત્ની ફર્ન-મેરી ચોયાના ઇંડા/અંડાશયમાંથી બનાવેલ ગર્ભનો ઉપયોગ કરવા માટે કોર્ટની મંજૂરી મળી ગઈ છે. અહેવાલ મુજબ, ચોયાનું 2019માં કસુવાવડ પછી મૃત્યુ થયું હતું, જ્યારે તે જોડિયા છોકરીઓ સાથે 18 અઠવાડિયાની ગર્ભવતી હતી. 40 વર્ષીય ચોયા, 2013 થી ઘણા ઈંટઋ ચક્રમાંથી પસાર થઈ હતી અને ઘણી વખત કસુવાવડ થઈ હતી. તેની પત્નીના મૃત્યુ પછી, ટેડ જેનિંગ્સ 2018 માં તેની પત્ની સાથે બનાવેલ એક બચેલ ભ્રૂણનો સરોગસી માટે ઉપયોગ કરવા માંગતા હતા. લંડનના એક ખાનગી પ્રજનનક્ષમતા ક્લિનિકમાં ભ્રૂણને સાચવવામાં આવ્યું છે. તેમની અપીલને પગલે, ઇન્વેસ્ટમેન્ટ મેનેજરે હાઇકોર્ટના જજને કાયદેસર રીતે ભ્રૂણનો ઉપયોગ કરવાની મંજૂરી આપવા કહ્યું. કોર્ટ પાસેથી તેની પરવાનગી માંગવામાં આવી હતી કારણ કે તેની સ્વર્ગસ્થ પત્ની મૃત્યુ પહેલા આ અંગે લેખિત સંમતિ આપી શકતી ન હતી. આ અરજી પહેલા હ્યુમન ફર્ટિલાઇઝેશન એન્ડ એમ્બ્રીયોલોજી ઓથોરિટી (ઇંઋઊઅ) દ્વારા નકારી કાઢવામાં આવી હતી.

બુધવારે, ટેડ જેનિંગ્સની અરજી પર સુનાવણી કરતી વખતે, કોર્ટે ટેડના સમર્થનમાં ચુકાદો આપ્યો. ન્યાયાધીશ જસ્ટિસ થિસે કહ્યું કે તેઓ સંતુષ્ટ છે કે ચોયાએ તેમના મૃત્યુની સ્થિતિમાં ભ્રૂણના ઉપયોગ માટે સંમતિ આપી હતી. તેણે કહ્યું કે ચોયાને લેખિતમાં સંમતિ આપવાની પૂરતી તક મળી ન હતી કારણ કે તેણે ઈંટઋ પ્રક્રિયા દરમિયાન જે ફોર્મ ભર્યું હતું તેમાં તે સ્પષ્ટ કરવામાં આવ્યું ન હતું કે મહિલાએ તેના મૃત્યુ પછી પરિવારને સંમતિ આપવા માટે શું કરવું જોઈએ.