અમારી ચેટનાં સ્ક્રીનશૉટ લઈ એ મને બ્લેકમેઈલ કરવા લાગી

તેણે મારી પાસે મોબાઇલ રિચાર્જના અને અન્ય પૈસાની માંગણી કરી અમે એકબીજાને ન્યૂડ ફોટા મોકલ્યા…

– મેધા પંડ્યા ભટ્ટ

દરેક પાત્રને મળું છું અને તેમના જીવનના અનુભવો સાંભળવા તો મળે છે, સાથે સમજવા જેવા પણ હોય છે. લોકો ફક્તને ફક્ત શરીરને સંતોષવામાં માટે કેટકેટલુંય કરી રહ્યા છે, તે જાણીને ઘણીવાર આશ્ચર્ય થાય છે, તો ક્યાંકને ક્યાંક નવાઇ પણ લાગે છે. ક્યાંક તેઓ કેટલીક હદે સાચા પણ હોય તેવો વિચાર આવે છે. જોકે પેટની ભૂખની જેમ શરીરની ભૂખ પણ મહત્વની છે અને તેનો પણ આનંદ માણવો જરૂરી છે તે કેટલાક પાત્રોની કોમન વાત છે. આજે જે રોહિણી નામની યુવતીની વાત કરવા જઇ રહી છું તે ખૂબ જ ખુશમિજાજી અને ખુલ્લા દિલનું વ્યક્તિત્વ ધરાવતી યુવતી છે. 35 વર્ષની આ યુવતી સાથે વાતો કરીને લાગે, જાણે કોઇ ફિલોસોફીનો લેક્ચર સાંભળી રહ્યા હોઇએ, પણ તેમાં જ્યારે તે એના અનુભવોને ઉદાહરણ રૂપે કહેવા લાગે તો બે ઘડી તો મન થઇ જાય કે જીવનની સાચી મજા તો એ જ માણે છે. તેની સાથે ઇન્સ્ટાગ્રામમાં વાતચિત થઇ હતી. ઘણા સમયથી તેના મેસેજ મારી સ્ટોરીને લાઇક કરીને આવ્યા હતા. સાથે જ તેણે કેટલીક શાયરીઓ પણ મને ટેગ કરી હતી. તેની લખેલી શાયરીઓ મને પસંદ પડી તો મેં તેની મેસેન્જર રીકવેસ્ટ એક્સેપ્ટ કરી અને અમે વાતચિત શરૂ કરી. તેણે મને જણાવ્યું કે તેના બેડપાર્ટનરે મારા કેટલાક આર્ટીકલની લિંક તેને મોકલી હતી. મેં તેને નામ પૂછ્યું તો મને સમજાયું કે તે મારો ટીન્ડર મેચ છે. જેની સ્ટોરી હજી આવવાની બાકી છે. મને રોહિણીએ તેની લાઇફની વાતો કહેવાની ઇચ્છા પ્રગટ કરી. મેં તેને મળવા માટે કહ્યું અને અમે બંને ભેગા પણ થયા. તો ચાલો આજે રોહિણીની સાથે આપણે પણ તેના વિચારો અને જીવન વિશે જાણીએ.

હું ખૂબ સુખી અને ખૂશ વ્યક્તિ છું. દરેક વ્યક્તિ ખુશ હોય તેવું જરૂરી નથી પણ હું જીવનમાં દુખને એન્ટ્રી આપતી જ નથી તેથી ખુશ રહું છું. આ ખુશી કેટલાક દુખ મળ્યા પછીની જ છે, તેથી તેને જાળવી રાખવા માંગુ છું. હું કોઇ ડેટીંગ એપ્સનો ઉપયોગ કરતી નથી, પણ હા ઇન્સ્ટાગ્રામ દ્વારા મારા કેટલાક પુરુષ મિત્રો છે. તેઓ મારી ઉંમરના જ છે. દરેક સાથે શરીર સંબંધ નથી ફક્ત એક સાથે જ છે. જીવનના એ તબક્કાની વાતો કરવા ઇચ્છુ છું કે હું કેટલી હેરાન થઇ હતી અને તકલીફોનો સામનો કર્યો હતો. એ બધામાંથી બહાર નીકળીને આજે હું મારા તન-મનને ખુશ અને પ્રફલ્લિત રાખી શકું છું. તેમાં મને મારો ઇન્સ્ટાગ્રામ ફ્રેન્ડ સતત મદદ કરતો આવે છે. મારા ચહેરા પર સ્માઇલ તેને પસંદ છે.
હું સિંગલ છું અને મારી હાલમાં ઇચ્છા લગ્ન ન કરવાની છે. હાલમાં હું એક ઇન્ટરનેશનલ કંપનીમાં જોબ કરું છું. અગિયાર વર્ષ પહેલા હું એક પ્રાઇવેટ ફર્મમાં હતી. ત્યા મારા સિનિયર રોહિતે મને પ્રપોઝ કર્યું. મને પણ તે ગમતા હતા, તેથી અમે બંને પ્રેમસંબંધમાં બંધાઇ ગયા. જોકે હું ક્યારેય બંધાઇને રહી શકું તેવી વ્યક્તિ નથી. તેમના પ્રત્યે મને એક ખેંચાણ હતુ અને તે મારી ઉંમરના કારણે હતું. તેમની ઉંમર મારા કરતા આઠ વર્ષ વધારે હતી. હું ઓફિસમાં દરેક પુરુષ મિત્રો સાથે ખુલ્લા-મનથી હસી મજાક કરતી, જે મારી હંમેશાથી આદત રહી છે. જોકે હું મારા પ્રેમી રોહિત પ્રત્યે પણ વફાદાર જ હતી. એક સ્ત્રી હોય કે પુરુષ જ્યારે પ્રેમ સંબંધમાં બંધાય છે, ત્યારે સામેવાળા પાત્ર માટે તેને ક્યાંકને ક્યાંક પઝેસિવનેસ અને ઇન્સિક્યોરીટી આવી જાય છે. તે પરિણીત હતા તેની મને જાણ હતી. અમારી વચ્ચે શારીરિક સંબંધ પણ હતા. અમારે એક જ હોટલ નક્કી હતી અને ત્યાંજ જવાનું રહેતું. અઠવાડિયામાં ત્રણથી ચાર વાર અમે બંને ત્યાં જઇને શરીર સુખની મજા માણાતા. રોહિતની ફિટનેસ ખૂબ સરસ હતી. તે કોઇપણ યુવતીને આકર્ષી શકે તેવું વ્યક્તિત્વ ધરાવતો હતો.

એક સ્ત્રીને કઇ રીતે શરીર સુખ આપવું તે તેમને ખબર હતી. અમે જ્યારે પણ રૂમમાં જતા ત્યારે તે બેડ પર બેસીને મને તેની બાજુમાં બેસાડી તેમના ખભા પર મારું માથું ટેકવી મારો હાથ પકડીને બેસી રહેતો. મને તેનો એ હૂંફાળો સ્પર્શ અને શ્વાસોચ્છવાસવી ક્રિયા ખૂબ ગમતી. મારા ખભા પર કેટલીય વાર હાથ ફેરવતો. તેનો એ પ્રેમાળ સ્પર્શ મને પ્રેમનો અહેસાસ કરાવતો. તેનાથી જાણે કેટલોય ભાર હળવો ન થઇ જતો હોય તેવું મને લાગતુ. ક્યારેક હું આવી પરિસ્થીતીમાં એટલી ખોવાઇ જતી કે તેમના ખોળામાં માથું ટેકવી દેતી. તે મારા માથાના વાળને પંપાળતા. મને ખૂબ જ ગમતું. મારા શરીર પર તેમના હાથનો સ્પર્શ ક્યારેય મને હવસ હોય તેવો લાગ્યો જ નથી. આ રીતે અમે બંને એકબીજાના આલિંગનની મજા માણીને પછી શરીર સુખની પણ મજા માણતા.

અમને બંનેને ડીપકિસ ખૂબ પસંદ હતી, અમારે કિસની પ્રક્રિયા ખૂબ લાંબો સમય ચાલતી. કિસ વધારે સમય ચાલવાથી બંનેની ઉત્તેજનામાં વધારો થતો અને હું વધારે ઉત્તેજીત થઇ જતી. તે જે રીતે મારા કપાળને ચુંબન કરે, ગાલ પર અને છાતીના ભાગ પર જે રીતે તેના હાથનો સ્પર્શ કરે તે મને પસંદ આવતું. મારા આખા શરીર પર જે રીતે હળવું ચુંબન કરે તે મને ખૂબ રોમાંચિત કરી દેતું. પુરુષ કઇ રીતે પ્રેમ ઇચ્છે છે, તે પણ જાણવું જરૂરી છે, તેમ હું માનું છું. હું શરૂઆતમાં તેમને પૂછતી કે હું આ ક્રિયા કરું તો તમને ગમે છે ને, તો તેને મારી દરેક બાબત ગમતી. હું પણ તે જ પ્રકારે હંમેશા સપોર્ટ કરતી. બંને તરફથી જ્યારે સંતોષજનક પ્રક્રિયા થતી હોય ત્યારપછી જે શરીર સુખનો આનંદ મળે છે, તે અદ્ભૂત હોય છે. મેં આવો આનંદ પાંચ વર્ષ માણ્યો છે. હવે અમે સંપર્કમાં નથી અને તેનું કારણ તેમની પઝેસિવનેસ હતી.
અમે જેમ જેમ વધારે શારીરિક રીતે જોડાતા ગયા, તેમ રોહિતને તેમની પત્ની પ્રત્યે સંબંધ ઓછા થતા ગયા. આ વાતની મને જાણ નહોતી. તેમના ઘરમાં અમારા સંબંધની ખબર પડી ગઇ હતી અને તેમની પત્નીએ મરી જવાની ધમકી પણ આપી હતી. મને આ બધુ ખબર પડતા મેં રોહિતને સમજાવવાનો પ્રયત્ન કર્યો પણ તે તેની પત્નીને છોડીને મારી સાથે લગ્ન કરવા માગતો હતો. ધીમે ધીમે ઓફિસના અન્ય પુરુષો સાથે હું વાતચિત કરું તો તેને લઇને પણ અમારા ઝગડા થવા લાગ્યા. ઘરમાં પત્ની અને ઓફિસમાં મારી બાબતને લઇને તેમનો સ્વભાવ ચિડીયો થઇ ગયો. એકવાર તો તેમણે મને રૂમ પર ગયા ત્યારે ચર્ચા દરમિયાન મારવાનો પ્રયત્ન પણ કર્યો. મેં ધીમે ધીમે સંપર્ક ઓછા કરી નાખ્યા.

વાત વધતી ગઇ અને અમારે ઝગડા થવા લાગ્યા. તેથી અંતે મેં નોકરી છોડી દીધી અને એક અન્ય મિત્રની મદદથી નવી નોકરી શોધી લીધી. હું રોહિતના પ્રેમને અને તેની સાથેના શારીરિક સુખને હંમેશા યાદ રાખીશ કારણકે તેની સિવાય, તેના જેવો સંતોષ મને કોઇએ આપ્યો નથી. જોકે અમારી વચ્ચે જ્યારે સંબંધ બંધાતો તેમાં સંપૂર્ણ સુખનો આનંદ પ્રાપ્ત થવાનું કારણ માત્ર એ જ હતું કે જે પણ થયું તે પ્રેમ અને અતૂટ લાગણી હોવાના કારણે થયું હતું, તેથી તે સંપૂર્ણ ચરમસુખ હતું.
અમે આજેપણ સંપર્કમાં છીએ. બંને અલગ કંપનીમાં હોવાથી હવે રોજ મળવું શક્ય નથી પણ હા, આજેપણ મહિને એકવાર તો અમે હોટલરૂમમાં જઇએ જ છીએ. તેનું લગ્નજીવન પણ હવે સુખી છે. રોહિતની ફક્ત એક જ ઇચ્છા છે કે જ્યાં સુધી હું લગ્ન ન કરી લઉં ત્યાં સુધી હું તેને મહિને એકવાર મળતી રહું.

આજેપણ તે મને એ જ પ્રકારે પ્રેમ કરે છે. મારાથી દૂર થયા પછી, તેનો પ્રેમ મારા પ્રત્યે ઓછો થયો નથી પણ હવે તે થોડો શાંત થઇ ગયો છે. તેનો સ્વભાવ ખૂબ બદલાઇ ગયો છે. જોકે હું રોહિત સિવાય કરન નામના યુવક સાથે રીલેશનશીપમાં પણ છું. અમારા બંને વચ્ચે ગાઢ સંબંધ છે. તે મારો અંગત મિત્ર છે. તેને મારી દરેક વાત ખબર છે. તેણે મને રોહિતમાંથી બહાર લાવવાનો પ્રયત્ન કર્યો છે અને કરી રહ્યો છે. તેના ફ્રેન્ડ્સ ગ્રુપમાં બધા મને ઓળખે છે. અમે સાથે ટૂર પર જઇએ છીએ. અમારું એક અલગ અને સુંદર ગ્રુપ છે. કરન મારી ઉંમરનો જ છે. તેથી તેની સાથે મારા વિચારો વધારે મળે છે. તે મને સમજે છે અને કેટલીક વાર જો મને ક્યાંક ઉદાસ જુએ તો હંમેશા ખુશ રાખવાનો પ્રયત્ન કરે છે. તેના કારણે જ હું મારા દુખને ભૂલીને ખુશ રહું છું. હું તેને વળગીને રડી પણ શકું છું અને ખુલ્લા મને તેની સાથે હસી શકું છું. અમારી વચ્ચે શારીરિક સંબંધ છે પણ તે મને બાંધીને રાખતો નથી. હું તેના માટે એટલું કહી શકું તે તે મને મારી કરતા કદાચ વધારે ઓળખે છે. રોહિતને મેં કરનની વાત ક્યારેય કરી નથી અને કરવા માગતી નથી. હવે જીવનમાં આગળ નસીબમાં શુ લખાયું છે, તે મને ખબર નથી. હાલમાં ખુશ છું એટલું કહીશ.

સમજવા જેવું – જ્યારે કોઇ સંબંધમાં ઊઁડી લાગણીથી જોડાઇ જાવ તો તેમાંથી બહાર નીકળવું મુશ્કેલ બની જતું હોય છે. બે માંથી કોઇ એક વ્યક્તિના મનમાં પઝેસીવનેસ પ્રવેશે ત્યારે બંને પાત્ર માટે તે જોખમી સાબિત થાય છે. સ્ત્રીઓનો વાંક ન હોવા છતાંય તે ઘણીવાર સંબંધમાં ગૂંગળામણ અનુભવવા છે અથવા તેણે ઘણું જતુ કરવું પડે છે. રોહિણીએ પ્રેમ સંબંધને કારણે નોકરી ગૂમાવવી પડી. જોકે હજીપણ તે પોતાના જૂના સંબંધમાંથી બહાર નીકળી શકી નથી. પરીણિત પુરુષો સાથેના સંબંધમાં કુંવારી યુવતીઓને ઘણી મુશ્કેલીઓનો સામનો કરવો પડે છે. તેમાં પણ જો યુવતી તેનાથી નાની ઉંમરની હોય તો તે વધારે પઝેસીવ બની જતો હોય છે. તેથી અપરણિત યુવતીઓએ પરિણીત પુરુષો સાથે સંબંધ રાખતી વખતે ઘણી સાવચેતી અને સાવધાની રાખવાની જરૂરી છે. તેનાથી તેમને ન ધારેલી મુશ્કેલીઓનો સામનો કરવો પડી શકે છે.